ଡଲାସ : ଆମେରିକାର ଡଲାସ ସହରରେ ଜଣେ ବ୍ୟକ୍ତିଙ୍କୁ ତାଙ୍କର ୧୮ଟି ପୋଷା କୁକୁର ସମ୍ପୂର୍ଣ୍ଣ ଖାଇଦେଇଛନ୍ତି। ଏପରିକି ମାଲିକର ମାଂସ ସହିତ ହାଡ ଓ ଚୁଟିକୁ ମଧ୍ୟ କୁକୁରମାନେ ଖାଇ ଯାଇଥିଲେ। ମାଲିକ ଫ୍ରେଡିଏ ମାକ (୫୭)କୁ କୁକୁରଗୁଡିକ ଖାଇଯିବା ପରେ ତାଙ୍କର କୌଣସି ପତ୍ତା ମିଳି ନଥିଲା। ଫଳରେ ମାକଙ୍କ ନିଖୋଜ ନେଇ ପୁଲିସରେ ରିପୋର୍ଟ କରାଯାଇଥିଲା। କିଛି ଦିନ ଖୋଜାଖୋଜି ପରେ ଘରୁ ଏକ ୫ଇଞ୍ଚର ହାଡ ଜବତ କରାଯାଇଥିଲା। କୁକୁରଙ୍କ ଖାଇବା ପରେ ବଳକା ଖାଦ୍ୟ ଫିଙ୍ଗାଯାଉଥିବା ସ୍ଥାନରୁ ଏହି ହାଡ ଜବତ କରାଯାଇଥିଲା। ହାଡର ଡିଏନଏ ପରୀକ୍ଷା ପରେ ଏହା ମାକ୍ଙ୍କ ଶରୀର େବାଲି ଜଣାପଡିଥିଲା। ମାକ୍ଙ୍କର ଜଟିଳ ସ୍ବାସ୍ଥ୍ୟ ସମସ୍ୟା ରହିଥିଲା। ତେବେ ମାକଙ୍କ ମୃତ୍ୟୁ ପରେ କୁକୁରଗୁଡିକ ତାଙ୍କୁ ଖାଇଥିଲେ ନା ତାଙ୍କୁ ମାରି ଖାଇଯାଇଥିଲେ ତାହା ଜଣାପଡି ନାହିଁ। ଗୋଟିଏ ଦିନରେ କୁକୁରଗୁଡିକ ତାଙ୍କୁ ସମ୍ପୂର୍ଣ୍ଣ ଖାଇଯାଇଥିଲେ। ତାଙ୍କ ଶରୀରର ରକ୍ତ କିମ୍ବା ଚୁଟି କୌଣସିର ପତ୍ତା ମିଳି ନଥିଲା। କୁକୁରଗୁଡିକ ମିଶ୍ରିତ ପ୍ରଜାତିର ଥିଲେ।
Popular Categories
Previous article
Next article