ନୀଳଗିରି: ଜଣେ ନାବାଳିକା ଅପହରଣକାରୀ ଡାକ୍ତରଖାନାରେ ପେଟ କାଟିବା ବାହାନା କରି ପାଇଖାନା ଯିବା ପରେ ଝରକା ଭାଙ୍ଗି ଚମ୍ପଟ ମାରିବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
ବାଲେଶ୍ୱର ଜିଲା ନୀଳଗିରି ଥାନା ଅଧୀନ ବାଲିଗୋହିରୀ ଅଞ୍ଚଳର ଜଣେ ନାବାଳିକାକୁ ଖନ୍ତାପଡ଼ା ଥାନା କସବା ଜୟପୁର ଅଞ୍ଚଳର ବସନ୍ତ ବେହେରାଙ୍କ ପୁଅ ଉତ୍ତମ(୨୪) ଅପହରଣ କରି ନେଇଥିଲା । ଏନେଇ ନୀଳଗିରି ଥାନାରେ ମାମଲା ରୁଜୁ ହେବା ପରେ ଆଇଆଇସି ଗୋପାଳ ଚନ୍ଦ୍ର କର୍ଣ୍ଣଙ୍କ ନିର୍ଦେଶରେ ଏକ ସ୍ୱତନ୍ତ୍ର ପୁଲିସ ଦଳ ସମ୍ପୃକ୍ତ ଅଭିଯୁକ୍ତକୁ ମଙ୍ଗଳବାର ରାତିରେ ଗିରଫ କରିଥିଲା। ବୁଧବାର ଅଭିଯୁକ୍ତକୁ ଡାକ୍ତରୀମାଇନା କରାଯିବା ଉଦେଶ୍ୟରେ ନୀଳଗିରି ଡାକ୍ତରଖାନାକୁ ନିଆଯିବା ପରେ ସେ ପେଟ କାଟିବା ବାହାନା କରିଥିଲା । ଡାକ୍ତରଙ୍କ ପରାମର୍ଶ ଅନୁସାରେ ତାକୁ ଡାଇରିଆ ୱାର୍ଡ଼ରେ ଥିବା ପାଇଖାନାକୁ ନିଆଯାଇ ପୁଲିସ ବାହାରେ ଜଗି ରହିଥିଲା । କିନ୍ତୁ ଅଭିଯୁକ୍ତ ଜଣକ ପାଇଖାନାର ଦୁର୍ବଳ ଝରକାକୁ ଭାଙ୍ଗି ଚମ୍ପଟ ମାରିଛି । ଏହି ଫେରାର ଅଭିଯୁକ୍ତକୁ ଧରିବାକୁ ପୁଲିସ ପକ୍ଷରୁ ପ୍ରୟାସ ଆରମ୍ଭ ହୋଇଛି।
Comments are closed.