ମୋହନା : ଗଜପତି ଜିଲ୍ଲା ମୋହନା ତହସିଲରେ ସାଧାରଣ ଲୋକଙ୍କ ଠାରୁ ବିଭିନ୍ନ ପ୍ରମାଣ ପତ୍ର, କରିଦେବା ପାଇଁ ହିତାଧିକାରୀଙ୍କ ଠାରୁ ଦଲାଲ ମାନେ ନେଉଛନ୍ତି ମୋଟା ଅଙ୍କର ଅର୍ଥ। ମୋହନା ବ୍ଳକରେ ରହିଥିବା କିଛି ଜନସେବା କେନ୍ଦ୍ରର ମାଲିକମାନେ ନିରୀହ ଆଦିବାସୀ, ଦଳିତ ଓ ସାଧାରଣ ବର୍ଗର ଲୋକମାନଙ୍କର ସରଳ ବିଶ୍ୱାସକୁ ନେଇ ସେମାନଙ୍କଠାରୁ ବିଭିନ୍ନ ଆଳ ଦେଖାଇ ଅର୍ଥ ଲୁଟିବାରେ ଲାଗିଛନ୍ତି । ତହସିଲ କାର୍ଯ୍ୟାଳୟରେ ଜାତିଗତ ପ୍ରମାଣପତ୍ର, ସ୍ଥାୟୀ ବାସିନ୍ଦା ପ୍ରମାଣପତ୍ର , ଆୟ ପ୍ରମାଣପତ୍ର ଓ ଉଚ୍ଚଶିକ୍ଷା ପାଇଁ ପ୍ରମାଣପତ୍ର ପାଇବା ସକାଶେ ଆବେଦନ କରିଥିବା ଛାତ୍ର /ଛାତ୍ରୀ ମାନଙ୍କଠାରୁ କିଛି ଅସାଧୁ ବ୍ୟକ୍ତି (ଦଲାଲ )ତହସିଲଦାରଙ୍କ ଅନୁପସ୍ଥିତିରେ ସେମାନଙ୍କ ଠାରୁ ବିଭିନ୍ନ ପ୍ରମାଣପତ୍ର ବାବଦକୁ ମୋଟା ଅଙ୍କର ଅର୍ଥ ଆଦାୟ କରୁଥିବା ଅଭିଯୋଗ ହୋଇଛି। ମୋହନା ବ୍ଲକ ବାସୀ ଏହାକୁ ବିରୋଧ କରିବା ସହିତ ସ୍ଥାନୀୟ ବିଧାୟକ, ପ୍ରଶାସନ, ଓ ମିଡ଼ିଆ ବନ୍ଧୁ ମାନଙ୍କୁ ଅନୁରୋଧ କରିଛନ୍ତି ଏହି ସମସ୍ୟାର ଶୀଘ୍ର ସମାଧାନ କରିବା ସହିତ ଜିଲ୍ଲାପାଳ ଏଥିପ୍ରତି ଦୃଷ୍ଟିଦେଇ ଦଲାଲ ମାନଙ୍କ ପ୍ରତି ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।
