ନୂଆଦିଲ୍ଲୀ : ଗାଡି ନିର୍ମାତା କମ୍ପାନୀ ଏମଜି ମୋଟର ଭାରତୀୟ ବଜାରରେ ଆଉ ଏକ ଇଲେକ୍ଟ୍ରିକ୍ ଗାଡି ଆଣିବାକୁ ପ୍ରସ୍ତୁତ ହେଉଛି । ଏହି ଗାଡି କ୍ରସଓଭର ଗାଡି ହେବ, ଏଥିରେ ସେଡାନ, ଏସୟୁଭି ଉଭୟର ମଜା ମିଳିବ । କମ୍ପାନୀର ଏହି କାର୍ ୬ ଅଗଷ୍ଟରେ ଲଞ୍ଚ୍ ହେବ । ତେବେ କମ୍ପାନୀ ୧ ଅଗଷ୍ଟରେ ଏହି କାରର ନାଁରୁ ପରଦା ଉଠାଇଛି । କମ୍ପାନୀ ତରଫରୁ ଦିଆଯାଇଥିବା ସୂଚନା ଅନୁସାରେ ଜେଏସଡବ୍ଲୁ ଏମଜି ମୋଟରର ନୂଆ ଏସୟୁଭି ନାଁ ଓ୍ବିଣ୍ଡସୋର୍ ହେବ । କମ୍ପାନୀର କହିବାନୁସାରେ ଏହି କାର୍ ବ୍ରିଟିଶର ଆଇକନିକ୍ ଆର୍କିଟେକ୍ଚରଠୁ ଅନୁପ୍ରାଣିତ ।
କମ୍ପାନୀ ନିଜ ସାମାଜିକ ଗଣମାଧ୍ୟମ ହ୍ୟାଣ୍ଡେଲ ଜରିଆରେ ନିଜ ଆଗାମୀ କାରର ସୂଚନା ଦେଇଥିଲା । କମ୍ପାନୀ ଏକ ଟିଜର ଆଣି ଜଣାଇଥିଲା କି ଏହି କାରରେ ସେଡାନର ଆରାମଦାୟକ ଏବଂ ଏସୟୁଭିର ମଜା ମିଳିବ । ଏହି କାରକୁ କ୍ରସଓଭର ୟୁଟିଲିଟି ଭେଇକଲ ତାଲିକାରେ ରଖାଯାଇଛି । ଏହା କମ୍ପାନୀର ପ୍ରଥମ ଏସୟୁଭି, ଯାହା ଭାରତୀୟ ମାର୍କେଟକୁ ଆସିବ । ସାମ୍ନାକୁ ଆସିଥିବା ଟିଜରରେ ଗାଡିର ଆଲୟ ହ୍ବିଲ୍ସ ଡିଜାଇନ୍, ସ୍ଲିକ୍ ଏଲଇଡି ଡିଆରଏଲ୍, ଏଲଇଡି ଲାଇଟ୍ ବାର୍ ସାମିଲ । ଏହା ବ୍ୟତୀତ ଟିଜରରେ ଗାଡିରେ ସନରୁଫ୍ ଥିବା ଜଣାପଡୁଛି ।
ନିର୍ବାଚନ ଲଢ଼ିବାର ସର୍ବନିମ୍ନ ବୟସ ୨୧କୁ ହ୍ରାସ କରିବାକୁ ରାଜ୍ୟସଭାରେ ଦାବି କଲେ ଆପ ସାଂସଦ
Comments are closed.