ଭବାନୀପାଟଣା: ଜୁନାଗଡ଼ ନଗରପାଳ ମୁକେଶ ଅଗ୍ରୱାଲଙ୍କ ବିରୁଦ୍ଧରେ ଆଗତ ଅନାସ୍ଥା ପ୍ରସ୍ତାବ ଆଜି ସ୍ଥଗିତ ରହିଛି। ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ଅନାସ୍ଥା ପ୍ରସ୍ତାବ ସଂକ୍ରାନ୍ତରେ ଆଜି ସ୍ୱତନ୍ତ୍ର ବୈଠକ ଏବଂ ଭୋଟିଂ ହେବାର ଥିଲା। ଅଥଚ ପ୍ରିଜାଇଡିଙ୍ଗ ଅଫିସର ଦାୟିତ୍ୱରେ ଥିବା ଅତିରିକ୍ତ ଜିଲ୍ଲାପାଳ ତ୍ରିଲୋଚନ ପାତ୍ର ଅନୁପସ୍ଥିତ ରହିବାରୁ ଅନାସ୍ଥା ସଂକ୍ରାନ୍ତରେ ବୈଠକ ଏବଂ ମତଦାନ ସ୍ଥଗିତ ହେଇଥିଲା। ଉଲ୍ଲେଖଯୋଗ୍ୟ ଯେ ଜୁନାଗଡ଼ ନଗରପାଳଙ୍କ ବିରୁଦ୍ଧରେ ବିଜେଡିର ୧୦ ଜଣ କାଉନସିଲର ଗତ ୧୬ ତାରିଖ ଦିନ ଜିଲ୍ଲାପାଳଙ୍କୁ ଅନାସ୍ଥା ନୋଟିସ ଦେଇଥିଲେ। ସେହି ଅନୁଯାୟୀ ଆଜି ଜୁନାଗଡ଼ ଏନଏସିରେ ଅନାସ୍ଥା ସଂକ୍ରାନ୍ତରେ ସ୍ବତନ୍ତ୍ର ବୈଠକ ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସେଥିପାଇଁ ସମ୍ପୃକ୍ତ କାଉନସିଲର ମାନେ ଉପସ୍ଥିତ ରହିବା ଏବଂ ଅନ୍ୟାନ୍ୟ ସମସ୍ତ ପ୍ରସ୍ତୁତି ସତ୍ତ୍ୱେ କୌଣସି କାରଣରୁ ଅତିରିକ୍ତ ଜିଲ୍ଲାପାଳ ଶ୍ରୀ ପାତ୍ର ଅନୁପସ୍ଥିତ ରହିଲେ। ଏଣୁ ଅନାସ୍ଥା ଭୋଟ କାର୍ଯ୍ୟକ୍ରମ ସ୍ଥଗିତ ରହିଲା। ପରବର୍ତ୍ତୀ କାର୍ଯ୍ୟକ୍ରମ ଜିଲ୍ଲାପାଳ ଗ୍ରହଣ କରିବେ ବୋଲି ଜଣାପଡିଛି। ଉଲ୍ଲେଖଯୋଗ୍ୟ ଯେ ୧୨ ଟି ୱାର୍ଡ ବିଶିଷ୍ଟ ଜୁନାଗଡ଼ ଏନଏସିରେ ବିଜେଡିର ୧୦ ଏବଂ ବିଜେପିର ୨ ଜଣ କାଉନସିଲର ଅଛନ୍ତି।
Popular Categories
Previous article
Next article