ବ୍ୟାଙ୍ଗକକ୍ – ମେକ୍ସିକୋର ଫାତିମା ବୋଶ୍ ୨୦୨୫ ବର୍ଷ ପାଇଁ ବ୍ରହ୍ମାଣ୍ଡ ସୁନ୍ଦରୀ ମୁକୁଟ ପିନ୍ଧିଛନ୍ତି । ସେ ହେଉଛନ୍ତି ଏହାର ୭୪ ତମ ବିଜୟିନୀ । ଥାଇଲାଣ୍ଡରେ ଏହି ପ୍ରତିଯୋଗିତା ଆୟୋଜନ କରାଯାଇଥିଲା । ଏଥିରେ ୧୨୦ଟି ଦେଶର ପ୍ରତିଯୋଗୀମାନେ ଅଂଶଗ୍ରହଣ କରିଥିଲେ । ଏଥିରେ ଥାଇଲାଣ୍ଡର ପ୍ରବୀଣା ସିଂ ପ୍ରଥମ ରନର୍ସଅପ୍ ହୋଇଥିବା ବେଳେ ଭେନେଜୁଆଲାର ଷ୍ଟେଫିନ୍ ଆବୋସିଲ୍ ଦ୍ୱିତୀୟ ରନର୍ସଅପ୍ ହୋଇଛନ୍ତି । ଭାରତରୁ ମନିକା ବିଶ୍ୱକର୍ମା ଏହି ସୁନ୍ଦରୀ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ।
ବିଜେତା ଭାବରେ ଫାତିମାଙ୍କ ନାମ ଘୋଷଣା ହେବା ମାତ୍ରେ ଏହି ମେକ୍ସିକାନ୍ ସୁନ୍ଦରୀ କାନ୍ଦି ପକାଇଥିଲେ। ଏହି ଲୁହ ବର୍ଷ ବର୍ଷର କଠିନ ପରିଶ୍ରମ, ମାସ ମାସର ଧୈର୍ଯ୍ୟ ଏବଂ ଅପାର ଆନନ୍ଦର ମିଶ୍ରଣ ଥିଲା ବୋଲି ଫାତିମା ନିଜ ପ୍ରତିକ୍ରିୟାରେ କହିଛନ୍ତି। ଏ ପ୍ରତିଯୋଗିତାରେ ଫାତିମାନଙ୍କୁ ମହିଳା ମାନଙ୍କର ୨୦୨୫ ବର୍ଷରେ କଣ ଆହ୍ୱାନ ରହିଛି ବୋଲି ପ୍ରଶ୍ନ ପଚାରାଯାଇଥିଲା । ବିଶ୍ୱବ୍ୟାପୀ ସେ କିପରି ସୁରକ୍ଷା ସୃଷ୍ଟି କରିପାରିବେ ବୋଲି ମଧ୍ୟ ପ୍ରଶ୍ନ କରାଯାଇଥିଲା । ଜଣେ ମହିଳାଭାବେ ଅନ୍ୟମାନଙ୍କ ସେବା ପାଇଁ ସ୍ୱର ଓ ଶକ୍ତିକୁ ବ୍ୟବହାର କରିବି ବୋଲି ଫାତିମାନ ଉତ୍ତର ଦେଇଥିଲେ । ସେ ଏଠାକୁ ପରିବର୍ତ୍ତନର ସ୍ୱର ଭାବେ ଆସିଥିବା କଥା ପ୍ରକାଶ କରିଥିଲେ । ଯେଉଁମାନେ ସାହାସୀ ଭାବେ ଛିଡା ହୁଅନ୍ତି ସେମାନେ ଇତିହାସ ରଚନା କରନ୍ତି ।
ସୁନ୍ଦରୀ ପ୍ରତିଯୋଗିତା ସମୟରେ ଫାତିମାଙ୍କୁ ଦୁଇଟି ପ୍ରଶ୍ନ ପଚରାଯାଇଥିଲା। ଯାହାର ଉତ୍ତର ଖୁବ ସୁନ୍ଦର ଓ ସ୍ପଷ୍ଟ ଭାବେ ଦେଇଥିଲେ ଫାତିମା। ପ୍ରଶ୍ନ ଦୁଇଟି ଥିଲା, ‘୨୦୨୫ ମସିହାରେ ଜଣେ ମହିଳା ହେବା ପାଇଁ କ’ଣ ଚ୍ୟାଲେଞ୍ଜ ରହିଛି? ଏବଂ ବିଶ୍ୱବ୍ୟାପୀ ମହିଳାଙ୍କ ପାଇଁ ଏକ ସୁରକ୍ଷିତ ସ୍ଥାନ ସୃଷ୍ଟି କରିବା ପାଇଁ ମିସ୍ ୟୁନିଭର୍ସ ଉପାଧିକୁ କିପରି ବ୍ୟବହାର କରିବେ? ଏହି ଦୁଇଟି ପ୍ରଶ୍ନର ଉତ୍ତର ଦେଇ ଫାତିମା ବୋଶ୍ କହିଥିଲେ, “ଜଣେ ମହିଳା ଏବଂ ମିସ୍ ୟୁନିଭର୍ସ ଭାବରେ, ମୁଁ ଅନ୍ୟମାନଙ୍କ ସେବା ପାଇଁ ମୋର ସ୍ୱର ଏବଂ ଶକ୍ତି ବ୍ୟବହାର କରିବି। କାରଣ ଆଜି ଆମେ ଏଠାରେ କହିବାକୁ, ପରିବର୍ତ୍ତନ ଆଣିବାକୁ ଆସିଛୁ। ଯେଉଁମାନେ ସାହସୀ ଭାବରେ ଠିଆ ହୁଅନ୍ତି ସେମାନେ ଇତିହାସ ରଚନ୍ତି।
ଭାରତର ମନିକା ବିଶ୍ୱକର୍ମା ଶ୍ରେଷ୍ଠ ୩୦ ଜଣଙ୍କ ମଧ୍ୟରେ ସ୍ଥାନ ପାଇଥିଲ । ମାତ୍ର ପରବର୍ତ୍ତି ଶ୍ରେଷ୍ଠ ୧୨ ସୁନ୍ଦରୀଙ୍କ ମଧ୍ୟରେ ସେ ସ୍ଥାନ ପାଇ ପାରି ନଥିଲେ ।
