ବହୁ ଲୋକଙ୍କର ସ୍ମରଣ ଶକ୍ତି ଦୁର୍ବଳ ଯୋଗୁଁ ସେମାନେ ଗୋଟିଏ କଥାକୁ ଅଧିକ ସମୟ ମନେ ରଖି ପାରନ୍ତି ନାହିଁ। ଏହାଦ୍ୱାରା ପାଠପଢାରେ ମଧ୍ୟ ଅବନ୍ନୋତି ଦେଖା ଦେଇଥାଏ। ସ୍ମରଣ ଶକ୍ତି ବୃଦ୍ଧି କରିବା ପାଇଁ ସେମାନେ ବହୁ ପନ୍ଥା ଆପଣାଇ ଥାଆନ୍ତି। ହେଲେ ଶେଷରେ ନିରାଶ ହୋଇ ଚିନ୍ତିତ ହୋଇ ପଡ଼ନ୍ତି। ତେବେ ଏବେ ଏପରି ଏକ ତଥ୍ୟ ସାମ୍ନାକୁ ଆସିଛି ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ଏକ ସହଜ ଉପାୟରେ ଓ ବିନା କୌଣସି ଖର୍ଚ୍ଚରେ ଆପଣ ନିଜର ସ୍ମରଣ ଶକ୍ତି ବଢାଇ ପାରିବେ। ତେବେ ଚାଲନ୍ତୁ ଜାଣିବା ସେହି ଉପାୟ ବିଷୟରେ –
ନିଜର ସାଙ୍ଗ କିମ୍ବା କୌଣସି ନିକଟତର ଲୋକଙ୍କ ସହ କିଛି ସମୟ ମନ ଖୋଲି ଗପନ୍ତୁ। ଏହାର ସୁପ୍ରଭାବ ଆପଣ ଅନୁଭବ କରିପାରିବେ। ହେଲେ ଗପିବାର ବିଷୟବସ୍ତୁ ସକରାତ୍ମକ ହେବା ଆବଶ୍ୟକ। କେବଳ ସେତିକି ନୁହେଁ, ଗପିବା ସମୟରେ ଅଯଥା ଯୁକ୍ତିତର୍କ ଯେପରି ନ ହୁଏ ସେଥିପ୍ରତି ଦୃଷ୍ଟି ଦିଅନ୍ତୁ। ଭଲ କଥା ଆଲୋଚନା କରିବା ଦ୍ୱାରା ତାହା ସ୍ମରଣ ଶକ୍ତିକୁ ଅନେକାଂଶରେ ବୃଦ୍ଧି କରିଥାଏ ବୋଲି ଲଣ୍ଡନ ବିଶ୍ୱବିଦ୍ୟାଳୟର ମନୋବିଜ୍ଞାନୀମାନେ ଏକ ଗବେଷଣାରୁ ଜାଣିପାରିଛନ୍ତି। ଗବେଷଣା ପରିସରଭୁକ୍ତ ବ୍ୟକ୍ତିମାନଙ୍କୁ ପରସ୍ପର ସହ ପ୍ରତିଦିନ କିଛି ସମୟ ଗପିବାକୁ ପରାମର୍ଶ ଦିଆଯାଇଥିଲା। ନିର୍ଦ୍ଦିଷ୍ଟ ସମୟ ଅନ୍ତରରେ ଏହାର ପ୍ରଭାବ କିପରି ରହୁଛି ତାହା ଅନୁଧ୍ୟାନ କରିବା ପରେ ମନୋବିଜ୍ଞାନୀମାନେ ଏଭଳି ସିଦ୍ଧାନ୍ତରେ ପହଞ୍ଚଥିଲେ।