କାଠମାଣ୍ଡୁ : ନେପାଳର ଦାଦେଲ୍ଧୁରା ଜିଲ୍ଲାରେ ଘଟିଥିବା ଏକ ବସ୍ ଦୁର୍ଘଟଣାରେ ୧୮ ଜଣ ଯାତ୍ରୀ ପ୍ରାଣ ହରାଇଥିବାବେଳେ ୧୭ ଜଣ ଆହତ ହୋଇଛନ୍ତି। ଗତକାଲି ସନ୍ଧ୍ୟାରେ ଦାଦେଲ୍ଧୁରା ଜିଲ୍ଲାର ଅମରାଗାଡ଼ି ପୌର ଅଞ୍ଚଳରେ ବସ୍ଟି ରାସ୍ତାରୁ ୩୦୦ ମିଟର ଗଭୀର ଖାତକୁ ଖସିପଡ଼ିବା ଯୋଗୁଁ ଏହି ଦୁର୍ଘଟଣା ଘଟିଥିଲା। ଘଟଣାସ୍ଥଳରେ ୧୧ ଜଣ ବ୍ୟକ୍ତି ପ୍ରାଣ ହରାଇଥିବାବେଳେ ଗୁରୁତର ଆହତ ହୋଇଥିବା ଅନ୍ୟ ୭ ଜଣଙ୍କୁ ଚିକିତ୍ସାପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ସେମାନଙ୍କର ମୃତ୍ୟୁ ଘଟିଛି।
ଅନ୍ୟ ୧୭ ଜଣ ଆହତଙ୍କ ଚିକିତ୍ସା ଚାଲିଛି। ଦୁର୍ଘଟଣାଗ୍ରସ୍ତ ବସରେ ୪୫ ଜଣ ଯାତ୍ରୀ ଥିଲେ। ସେମାନେ ଉଗ୍ରତାରା ମନ୍ଦିର ଦେଖି ଫେରୁଥିବାବେଳେ ଏହି ଦୁର୍ଘଟଣା ଘଟିଥିଲା।
