ଗଡ଼ମଧୁପୁର: ଯାଜପୁର ଜିଲା ଧର୍ମଶାଳା ବ୍ଲକର କାର୍ଯ୍ୟରତ ସାମ୍ବାଦିକମାନଙ୍କୁ ନେଇ ଗଠିତ ଧର୍ମଶାଳା ମିଡିଆ କ୍ଲବର କର୍ମକର୍ତ୍ତା ଓ ସଦସ୍ୟମାନେ ଆଜି ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟଙ୍କୁ ସୌଜନ୍ୟମୂଳକ ସାକ୍ଷାତ କରିଥିଲେ। ଏହି ଅବସରରେ କ୍ଲବ ତରଫରୁ ତାଙ୍କର ଦୀର୍ଘ ନିରାମୟ ଜୀବନ କାମନା କରିବା ସହିତ ଉତ୍ତରୀୟ, ପୁଷ୍ପଗୁଚ୍ଛ ଓ ଜଗନ୍ନାଥଙ୍କ ତୈଳଚିତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଯାଇଛି। ପ୍ରଥମ ଥର କ୍ଲବର ସଦସ୍ୟମାନେ ଆଜି ବିଧାୟକଙ୍କୁ ଭେଟିବା ସହିତ ଧର୍ମଶାଳା ନିର୍ବାଚନ ମଣ୍ଡଳିରେ ରହିଥିବା ସମସ୍ୟା ବିଷୟରେ ଆଲୋଚନା କରିଥିବା ବେଳେ ବିଧାୟକଙ୍କୁ ସାମ୍ବାଦିକମାନଙ୍କ ସମସ୍ୟା ବିଷୟରେ ଅବଗତ କରାଯାଇଥିଲା। ବିଶେଷ କରି ବିଧାୟକ ନିରପେକ୍ଷ ସମ୍ବାଦ ପରିବେଷଣ ଉପରେ ଗୁରୁତ୍ୱ ଦେବା ସହିତ ମନଗଢା ଖବର ପରିବେଷଣ ସମାଜର ହିତ ପାଇଁ ଉଦ୍ଦିଷ୍ଟ ନୁହେଁ ବୋଲି କହିଥିଲେ। ସରକାର ସାମ୍ବାଦିକଙ୍କ କିଛି ସମସ୍ୟାକୁ ସମାଧାନ ଦିଗରେ ପ୍ରୟାସ କରିଥିବା ବେଳେ ଅନ୍ୟାନ୍ୟ ସମସ୍ୟା ପ୍ରତି ସରକାର ଯତ୍ନଶୀଳ ଥିବା କହିଛନ୍ତି। ମିଡିଆ କ୍ଲବର ସଭାପତି ବିମଳ ପତି, କାର୍ଯ୍ୟକାରୀ ସଭାପତି ଶେଷଦେବ ରାଉତ, ଉପ ସଭାପତି ବସନ୍ତ କୁମାର ନାୟକ, ସହ ସମ୍ପାଦକ ସେକ ଦିଲଦାର ଚାନ୍ଦ ସୁଶାନ୍ତ ଗୋଚ୍ଛାୟତ, ଅୟଶକାନ୍ତ ରାଉତ, ଶୁସାନ୍ତ କୁମାର ନାୟକ, ଦୀପକ ଦାସ, ଅଶୋକ ଦାସ, ସେକ ଆଲାଉଦ୍ଦିନ ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ।
Comments are closed.