ନୂଆଦିଲ୍ଲୀ : ରୋଗ ହେଲେ ସୁସ୍ଥ ହେବା ପାଇଁ ସମସ୍ତେ ଔଷଧ ଖାଇଥାନ୍ତି । କିନ୍ତୁ ଯଦି ଔଷଧ କାମ ନକରେ ତେବେ କ’ଣ ହେବ ? ଏହା ନିଶ୍ଚିତ ଭାବେ ଏକ ଗମ୍ଭୀର ସମସ୍ୟା । ଏଭଳି ସ୍ଥିତିରେ ରୋଗୀଙ୍କୁ ସୁସ୍ଥ କରିବା ଏକ କାଠିକର ପାଠ । ବିଶେଷଜ୍ଞଙ୍କ କହିବାନୁସାରେ ଆଣ୍ଟିବାୟୋଟିକ୍ ରେଜିଷ୍ଟେନ୍ସ ଯୋଗୁଁ ଔଷଧ ଶରୀରରେ ପ୍ରଭାବ ପକାଇପାରେନାହିଁ । ଏହି ସ୍ଥିତିରେ ବ୍ୟାକ୍ଟେରିଆ ନିଜକୁ ଶକ୍ତିଶାଳୀ କରିଦିଏ ଏବଂ ଏହା ଉପରେ ମେଡିସିନ୍ କାମ ଦିଏନି । ଏବେ ଆନ୍ତ୍ରିକଜ୍ବର(ଟାଇଫଏଡ୍) ଓ ନିମୋନିଆ ଭଳି ରୋଗ ସହିତ ଏଭଳି ଦେଖିବାକୁ ମିଳିଛି । ଏହି ରୋଗ ଉପରେ କିଛି ମେଡିସିନ୍ କାମ ଦେଉନି ।
ଆଇସିଏମଆର ଏନେଇ ଚିନ୍ତା ପ୍ରକଟ କରିଛି । ନିମୋନିଆ ଓ ଟାଇଫଏଡ୍ ଭଳି ରୋଗର ଚିକିତ୍ସା ଆଣ୍ଟିବାୟୋଟିକ୍ ରେଜିଷ୍ଟାନ୍ସ ଯୋଗୁଁ କରିହେଉନି । କାରଣ ଏହି ରୋଗରେ ହେଉଥିବା ବ୍ୟାକ୍ଟେରିଆଙ୍କ ଉପରେ ଏହି ଆଣ୍ଟିବାୟୋଟିକର କୌଣସି ପ୍ରଭାବ ଦେଖିବାକୁ ମିଳୁନି । ଏଥିଯୋଗୁଁ ନିମୋନିଆ, ବ୍ଲଡ ଇନଫେକ୍ସନ ଓ ଟାଇଫଏଡ୍ ଭଳି ରୋଗର ଚିକିତ୍ସାରେ ସମସ୍ୟା ଉପୁଜୁଛି ।
ନିକଟରେ ଆସିଥିବା ରିପୋର୍ଟ ଅନୁସାରେ ସାରା ବିଶ୍ବରେ ଆଣ୍ଟିବାୟୋଟିକ୍ ରେଜିଷ୍ଟାନ୍ସ ଏକ ଗମ୍ଭୀର ସମସ୍ୟା ଭାବେ ସାମ୍ନାକୁ ଆସିଛି । ଆଗାମୀ ୨୫ ବର୍ଷରେ ପ୍ରାୟ ୪ କୋଟି ଲୋକଙ୍କ ମୃତ୍ୟୁ ଆଶଙ୍କା ରହିଛି । ଅଧିକ ଆଣ୍ଟିବାୟୋଟିକ୍ ବ୍ୟବହାର କରିବା ଦ୍ବାରା ବ୍ୟାକ୍ଟେରିଆ ଔଷଧ ବିରୁଦ୍ଧରେ ମଜଭୁତ ହୋଇଯାନ୍ତି ଏବଂ ଏହି ମେଡିସିନର ଅଭ୍ୟସ୍ତ ହୋଇଯାନ୍ତି । ସହଜ ଭାଷାରେ ବୁଝିବାକୁ ଗଲେ, ବ୍ୟାକ୍ଟେରିଆଙ୍କୁ ଆଉ ଏହି ମେଡିସିନ୍ ହରାଇପାରେନି । ଗତ କିଛି ବର୍ଷରେ ଭାରତ ସମେତ ସାରା ବିଶ୍ବରେ ଆଣ୍ଟିବାୟୋଟିକ୍ ରେଜିଷ୍ଟାନ୍ସ ସମସ୍ୟା ବଢୁଛି ।
Comments are closed.