କଟକ : ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ୨୦୧୯ ବର୍ଷର ମାଟ୍ରିକ ପରୀକ୍ଷା ଫଳ ଆସନ୍ତାକାଲି(ମଙ୍ଗଳବାର) ପ୍ରକାଶ ପାଇବ । ମଙ୍ଗଳବାର ସକାଳ ୯ଟାରେ ବୋର୍ଡ କାର୍ଯ୍ୟାଳୟରେ ପ୍ରଥମେ ମାଟ୍ରିକ୍ ପରୀକ୍ଷା ଫଳ ପୁସ୍ତକା ମାଧ୍ୟମରେ ପ୍ରକାଶ ପାଇବ । ଏହା ପରେ ଦିନ ୧୧ଟାରେ ଦୁଇଟି ବିଭାଗୀୟ ୱେବସାଇଟ orissaresults.nic.in ଓ bseodisha.nic.in ରେ ମାଟ୍ରିକ ପରୀକ୍ଷା ଫଳ ଉପଲବ୍ଧ ହେବ ।ଛାତ୍ରଛତ୍ରୀମାନେ ୱେବ୍ ସାଇଟ୍ ଲଗଇନ୍ କରି ନିଜର ଫଳାଫଳ ଜାଣିପାରିବେ । ବିଦ୍ୟାର୍ଥୀମାନେ ମୋବାଇଲ ଫୋନରେ ମେସେଜ କରି ମଧ୍ୟ ପରୀକ୍ଷାଫଳ ଜାଣିପାରିବେ। ସେଥିପାଇଁ OR10 ଲେଖି ରୋଲନମ୍ବର ଲେଖି ୫୬୭୬୭୫୦ କୁ ପଠାଇବାକୁ ହେବ । ଏନେଇ ବୋର୍ଡ ସଭାପତି ଜାହାନ ଆରା ବେଗମ ସୂଚନା ଦେଇଛନ୍ତି ।
ସୂଚନାଯୋଗ୍ୟ, ଚଳିତବର୍ଷ ୫ ଲକ୍ଷ ୮୭ ହଜାର ୭୮୦ ଜଣ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ଫେବୃଆରୀ ୨୨ରୁ ମାର୍ଚ୍ଚ ୮ ମଧ୍ୟରେ ମାଟ୍ରିକ ପରୀକ୍ଷା ଶେଷ ହୋଇଥିଲା। ଗତବର୍ଷ ମଇ ୭ ତାରିଖରେ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଥିଲା ।
ଏହିପରି ଜାଣନ୍ତୁ ପରୀକ୍ଷା ଫଳ
୧. ଛାତ୍ରଛାତ୍ରୀ ପ୍ରଥମେ ନିଜ ପରୀକ୍ଷା ଫଳ ଦେଖିବା ପାଇଁ orissaresults.nic.in, bseodisha.nic.in ୱେବସାଇଟ୍ରେ ଲଗ୍ଇନ୍ କରନ୍ତୁ।
୨. ୱେବସାଇଟ୍ରେ ଲଗଇନ୍ କରିବା ପାଇଁ ଆପଣଙ୍କୁ ରେଜଲ୍ଟର ଲିଙ୍କ୍ ଦେଖାଇବ। ଏହି ଲିଙ୍କ୍ ଉପରେ କ୍ଲିକ୍ କରନ୍ତୁ।
୩. ଲିଙ୍କ୍ ଉପରେ କ୍ଲିକ୍ କରିବା ପରେ ନିଜ ରୋଲ ନମ୍ବର ଦିଅନ୍ତୁ।
୪.ଏହାପରେ ଆପଣଙ୍କ ପରୀକ୍ଷା ଫଳ ନିଜ ସ୍କ୍ରିନ୍ରେ ଆସିଯିବ।
