ଭୁବନେଶ୍ୱର: ମାଟିଖାଲ ଗାଁରେ ମାଲକାନଗିରି ପୁଲିସ ଓ ଗ୍ରାମବାସୀ ମୁହାଁମୁହିଁ ହେବା ଘଟଣାରେ ୬ଜଣ ଅଭିଯୁକ୍ତ ଆତ୍ମସମର୍ପଣ କରିଛନ୍ତି । ପୁଲିସର ସୂଚନା ଅନୁଯାୟୀ ୧୦ଜଣଙ୍କ ନାଁରେ ଏନେଇ ମାମଲା ରୁଜୁ କରିଥିଲା ମାଲକାନଗିରି ପୁଲିସ । ସେଥିମଧ୍ୟରୁ ୬ଜଣ ଅଭିଯୁକ୍ତ ପୁଲିସ ନିକଟରେ ଆତ୍ମସମର୍ପଣ କରିଛନ୍ତି । ସୂଚନା ଅନୁଯାୟୀ ଗତ ୧୩ ତାରିଖ ରାତିରେ ୩୦ଜଣିଆ ପୁଲିସ ଟିମ୍ ଗଞ୍ଜେଇ ଧରିବାକୁ ଗାଁରେ ଚଢ଼ାଉ କରିଥିଲେ । ଚଢ଼ାଉ ସମୟରେ ପୁଲିସ ଓ ଗାଁ ଲୋକଙ୍କ ମଧ୍ୟରେ ମୁହାଁମୁହିଁ ହୋଇଥିଲା । ପରେ ପୁଲିସ ଗାଁର ୧୦ଜଣଙ୍କ ନାଁରେ ମାମଲା ରୁଜୁ କରିଥିଲା । ମାମଲା ରୁଜୁ ପରେ ଅଭିଯୁକ୍ତ ମାନେ ଆତ୍ମସମର୍ପଣ କରିଥିବା ସୂଚନା ଦେଇଛନ୍ତି କୋରାପୁଟ ଅତିରିକ୍ତ ଏସପି । ତାହା ଛଡ଼ା ଏସପି ଆହୁରି ମଧ୍ୟ କହିଛନ୍ତି ଏହି ଘଟଣାରେ ୩୦ରୁ ଅଧିକ ଲୋକଙ୍କ ସମ୍ପୃକ୍ତି ରହିଛି ।
Popular Categories
Previous article
Next article