ନୂଆଦିଲ୍ଲୀ : ସୁଜୁକି ବ୍ରାଜିଲରେ ନିଜ ୩ ଡୋର ବିଶିଷ୍ଟ ଜିମ୍ନି ସିଏରାର ଦାମ ହ୍ରାସ କରିଛି । ଭେରିଏଣ୍ଟ ଆଧାରରେ ଗ୍ରାହକ ୨୦ ହଜାର ଡଲାର(୩.୧୮ ଲକ୍ଷ ଟଙ୍କା) ପର୍ଯ୍ୟନ୍ତ ସଞ୍ଚୟ କରିପାରିବେ । ବ୍ରାଜିଲରେ ଜିମ୍ନି ସିଏରାର ସମୁଦାୟ ୫ ଭେରିଏଣ୍ଟ ଉପରେ ଅଫର ରହିଛି । ଏହାର ଭିନ୍ନ ଭିନ୍ନ ମଡେଲ ଅନୁସାରେ ଏହି ଅଫର ଭିନ୍ନ ରହିଛି । ଏହା ସହିତ ଆକର୍ଷକ ରିହାତି ଅଫର ମଧ୍ୟ ଆଣିଛି କମ୍ପାନୀ । ଜିମ୍ନି ସିଏରା ୧.୫ ଏଟିର ଦାମ୍ ବ୍ରାଜିଲରେ ୨୫.୪୬ ଲକ୍ଷ ଟଙ୍କା ରଖିଛି କମ୍ପାନୀ । ଏଥିରେ ୨ ଲକ୍ଷ ଟଙ୍କା ହ୍ରାସ ହୋଇଛି । ସେହିଭଳି ଏହାର ଟପ୍ ମଡେଲର ଦାମ୍ ୩ ଲକ୍ଷ ଟଙ୍କା ହ୍ରାସ କରି ୩୨.୯୪ ଲକ୍ଷ ଟଙ୍କା କରିଛି କମ୍ପାନୀ ।
ସୁଜୁକି ଜିମ୍ନି ସିଏରାର ସମସ୍ତ ଭେରିଏଣ୍ଟର ୧.୫ ଲିଟର ଇଞ୍ଜିନ୍ ମିଳିବ । ଏହା ୧୦୮ ଏଚପିର ପାଓ୍ବର ଏବଂ ୧୩୮ ଏନଏମର ଟର୍କ ଜେନେରେଟ୍ କରିଥାଏ । ଟ୍ରାନ୍ସମିଶନ ଅପ୍ସନରେ ୫ ସ୍ପିଡ୍ ମାନୁଆଲ ଏବଂ ୪ ସ୍ପିଡ୍ ଅଟୋମେଟିକ୍ ସାମିଲ । ଏହାର ଟପ୍ ସ୍ପେକ୍ ଭେରିଏଣ୍ଟରେ ଏଲଇଡି ହେଡଲାଇଟ୍ସ, ସ୍ନୋର୍କଲ, ୧୫ ଇଞ୍ଚ ରୋଡାସ ବ୍ଲାକ୍ ବିଡଲିକ୍ ହ୍ବିଲ୍ ଏବଂ ଏମଟିଆର୍ ଟାୟର ରହିଛି । ଗ୍ରାହକ ଏଥିପାଇଁ ୮ ପ୍ରକାର ରଙ୍ଗର ବିକଳ୍ପ ରହିଛି । ଏଥିରେ ଜେବିଏଲ୍ ସାଉଣ୍ଡ ସିଷ୍ଟମ, ଓ୍ବାଇ ଫାଇ, ଆଣ୍ଡ୍ରଏଡ୍ ଅଟୋ ଏବଂ ଆପଲ କାର ପ୍ଲେ ସୁବିଧା ରହିଛି ।
Comments are closed.