ଚେନ୍ନାଇ – ଏବେ ଦେଶରେ କୋଭିଡ୍ର ତୃତୀୟ ଲହର ଚାଲିଛି । ଏଥିପାଇଁ ବିଭିନ୍ନ ରାଜ୍ୟରେ ବିଭିନ୍ନ କଟକଣା ଜାରି କରାଯାଇଛି । କେବଳ ସେତିକି ନୁହେଁ ବିଭିନ୍ନ ରାଜ୍ୟରେ ସର୍ବସାଧାରଣ ସ୍ଥାନ ସହ ମନ୍ଦିର ପାର୍କ ଏବଂ ଅନ୍ୟାନ୍ୟ ସ୍ଥାନରେ କଟକଣା ।
ଏହି ଅବସରରେ ତାମିଲନାଡୁରେ ବିବାହ ପାଇଁ ଶୁଭ ମୂହୁର୍ତ୍ତ ବାହାରିଥିଲା । ୯୧ ଯୋଡା ବର କନ୍ୟାଙ୍କର ବିବାହ ସ୍ଥିର ହୋଇଥିଲା । ଶୁଭ ସମୟ ଥିଲା ରବିବାର ସକାଳ ୪ଟା୩୦ରୁ ୧୧ଟା ପର୍ଯ୍ୟନ୍ତ । ମାତ୍ର ଶ୍ରୀ ଦେବନାଥ ସ୍ୱାମୀଙ୍କ ମନ୍ଦିରକୁ ସେଠାକାର ପ୍ରଶାସନ ୪ ଦିନ ପାଇଁ ବନ୍ଦ ରଖିବାକୁ ଘୋଷଣା କରିଥିଲା । ୯୧ ଯୋଡା ବର କନ୍ୟା ସେମବାର ସକାଳେ ମନ୍ଦିର ନିକଟରେ ପହଞ୍ଚିଥିଲେ । ମନ୍ଦିର ବନ୍ଦ ଥିବାରୁ ମନ୍ଦିର ବାହାରେ ସମସ୍ତଙ୍କର ବିବାହ କାର୍ଯ୍ୟ ସମ୍ପନ୍ନ କରାଯାଇଥିଲା।
କୋଭିଡ୍ କଟକଣା ଅନୁସାରେ କେବଳ ଅଳ୍ପ ନିକଟ ସମ୍ପର୍କୀୟ ଏବଂ ବ୍ରାହ୍ମଣ ଏହି ବିବାହ କାର୍ଯ୍ୟ ସମାପନ କରିଥିଲେ। ବିବାହ କାର୍ଯ୍ୟ ସମ୍ପନ୍ନ ପରେ ନବ ଦମ୍ପତିମାନେ ମନ୍ଦିର ବାହାରେ ଠାକୁରଙ୍କ ଆଶୀର୍ବାଦ ନେଇ ଘରକୁ ଫେରିଥିଲେ।
