ସମାଜ ଡିଜିଟାଲ ଡେସ୍କ: ଅନେକ ସମୟରେ ଉପଭୋକ୍ତାଙ୍କ ନିକଟକୁ ତ୍ରୁଟିପୂର୍ଣ୍ଣ ବିଦ୍ୟୁତ ବିଲ୍ ଆସିଥାଏ। ୫୦୦ କିମ୍ବା ୧ ହଜାର ଟଙ୍କା ବଦଳରେ ବେଳେବେଳେ ୫୦ ହଜାର କିମ୍ବା ୧ ଲକ୍ଷ ଟଙ୍କା ପର୍ଯ୍ୟନ୍ତ ବିଲ୍ ଆସେ। ହେଲେ ବିଦ୍ୟୁତ ବିଭାଗ କର୍ମଚାରୀଙ୍କ ଏପରି ଦାୟିତ୍ଵହୀନତା ଯୋଗୁ ଜଣେ ଯୁବକ ବିଚଳିତ ହୋଇ ଆତ୍ମହତ୍ୟା କରିବା ଭଳି ପଦକ୍ଷେପ ନେଇଛନ୍ତି। ଉତ୍ତରପ୍ରଦେଶର ଉନ୍ନାଓରେ ଏପରି ଏକ ଦୁର୍ଭାଗ୍ୟପୂର୍ଣ୍ଣ ଘଟଣା ଘଟିଛି।
ଉନ୍ନାଓର ଅଚଲଗଞ୍ଜ ଥାନା ଅନ୍ତର୍ଗତ କୁଶଲପୁର ଭସୈନା ଗାଁj ଶୁଭବ ରାଜପୁର ମଜୁରୀ ଲାଗି ପରିବାର ପୋଷଣ କରୁଥିଲେ। ବିଦ୍ୟୁତ ବିଭାଗର ତ୍ରୁଟି ଯୋଗୁ ଗତ ମାସରେ ଘରକୁ ୧ ଲକ୍ଷରୁ ଅଧିକ ଟଙ୍କା ବିଲ୍ ଆସିଥିଲା। ଏ ନେଇ ସେ ବିଭାଗରେ ଅଭିଯୋଗ ଜଣାଇଥିଲେ। କିନ୍ତୁ କୌଣସି ପଦକ୍ଷେପ ନିଆଯାଇ ନ ଥିଲା। ବରଂ ଓଲଟି ପରବର୍ତ୍ତୀ ମାସରେ ପୁନର୍ବାର ୮ ହଜାର ଟଙ୍କା ବିଲ୍ ଆସିଥିଲା। ଘରେ ଗୋଟିଏ ପଙ୍ଖା, ୨ଟି ବଲ୍ବ ଏବଂ ଗୋଟି ଟିଭି ଚାଲୁଥିବାବେଳେ ବାରମ୍ବାର ଏପରି ବିଲ୍ ଆସିବାରୁ ଶୁଭମ ଫାଶୀ ଲଗାଇ ଆତ୍ମହତ୍ୟା କରିଥିଲେ। ଏହି ଘଟଣା ସମ୍ପର୍କରେ ରାଜ୍ୟ ଶକ୍ତି ମନ୍ତ୍ରୀ ଅବଗତ ହେବା ପରେ ତଦନ୍ତ ନିର୍ଦେଶ ଦେଇଛନ୍ତି।
