ଫୁଲବାଣୀ : ପ୍ରଥମେ ପ୍ରେମ ଏବଂ ତାପରେ ବିବାହର ପ୍ରତିଶ୍ରୁତି ଦେଇ ଜଣେ ନାବାଳିକାକୁ ଦୁଷ୍କର୍ମ କରିବା ଓ ନାବାଳିକା ଜଣକ ଅନ୍ତସତ୍ତ୍ବା ହେବାପରେ ବିବାହ କରିବା ପାଇଁ ମନା କରିବା ଅଭିଯୋଗରେ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି ଗୋଛାପଡା ପୁଲିସ । ଗିରଫ ଯୁବକ ଜଣକ ଗୋଛାପଡା ଥାନା ଡେରାକୁମ୍ପା ଗାଁର ସହଦେଵ କହଁର ବୋଲି ଜଣାପଡିଛି ।
ସୂଚନା ଅନୁସାରେ ଯୁବକ ଜଣକ ଜଣେ ଟ୍ରାକ୍ଟର ଡ୍ରାଇଭର ଭାବରେ କାମ କରୁଥିବାବେଳେ ପୀଡିତା ନାବାଳିକା ସାଙ୍ଗରେ ଦୀର୍ଘ ଦୁଇବର୍ଷ ଧରି ବିବାହର ପ୍ରତିଶ୍ରୁତି ଦେଇ ପ୍ରେମ ସମ୍ପର୍କ ସ୍ଥାପନ କରିବା ସହ ବାରମ୍ବାର ଦୁଷ୍କର୍ମ କରିଥିଲା । ବର୍ତ୍ତମାନ ପୀଡିତା ନାବାଳିକା ଜଣକ ୯ ମାସର ଗର୍ଭବତୀ ଥିବାବେଳେ ତାକୁ କଟରିଙ୍ଗିଆ ମା ଗୃହରେ ରଖାଯାଇଛି ।
ତେବେ ଯୁବକ ଜଣକ ନାବାଳିକାକୁ ବିବାହ କରିବା ପାଇଁ ମନା କରିବା ପରେ ପୀଡିତା ନାବାଳିକାର ଭାଇ ଗୋଛାପଡା ଥାନାରେ ଏକ ଲିଖିତ ଏତଲା ଦେଇଥିଲେ । ପୀଡିତାଙ୍କ ଭାଇଙ୍କ ଏତଲା ଆଧାରରେ ଗୋଛାପଡା ପୋଲିସ ଥାନାରେ ୧୩୬/୨୪ ରେ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗରେ ଏକ ମାମଲାରେ ଏକ କେସ ରୁଜୁ କରି ବୁଧବାର ଯୁବକକୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରଭାତ କୁମାର ବେହେରା ସୂଚନା ଦେଇଛନ୍ତି ।
Comments are closed.