ପାଟଣା : ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ ଫାଣ୍ଡି ଅଞ୍ଚଳ ଖଣ୍ଟଘର ଗ୍ରାମ ପାରାଭାଡ଼ି ସାହିର ରାହାସ ନାୟକଙ୍କର ପୁଅ ନଗେନ ନାୟକ ସାତ ବର୍ଷ ଧରି ସ୍ଥାନୀୟ ସାନ୍ତରାପୁର ପଞ୍ଚାୟତ ଛତିଆ ଗ୍ରାମର ଜନୈକ ଯୁବତୀଙ୍କୁ ପ୍ରେମ କରୁଥିଲେ। ହେଲେ ୨୦୧୭ ମସିହାରେ ଯୁବତୀଙ୍କ ଡ଼ାଙ୍ଗୁଆପଶି ଗ୍ରାମରେ ଜଣେ ରେଳବାଇ ଯନ୍ତ୍ରୀଙ୍କ ସହ ବିବାହ କରାଯାଇଥିଲା। ମାତ୍ର ନଗେନ ଉକ୍ତ ଯୁବତୀଙ୍କୁ ପୂର୍ବରୁ ଭଲ ପାଇଥିବା କହି ସମ୍ପୃକ୍ତ ଯନ୍ତ୍ରୀଙ୍କୁ ଧମକ ଚମକ ଦେଇ ରାତିରେ ଶ୍ବଶୂର ଘରୁ ଯୁବତୀଙ୍କୁ ଉଠାଇ ଆଣି ଯୋଡ଼ାରେ ନେଇ ରଖିବା ସହ ଉଭୟ ସ୍ବାମୀ ସ୍ତ୍ରୀ ଭାବେ ରହି ଆସୁଥିଲେ। ହେଲେ ରେଜିଷ୍ଟ୍ରି ବିବାହ କରିବାକୁ ନା ନେଇନଥିଲେ।
ବାରମ୍ବାର ଗର୍ଭ ନଷ୍ଟ କରି ଯୁବତୀଙ୍କୁ ଅସୁବିଧାରେ ପକାଇବା ସହ ତାଙ୍କୁ ଘରକୁ ଛାଡୁନଥିଲା ଅଭିଯୁକ୍ତ । ଗତ ୧୮ ତାରିଖରେ ଯୁବତୀଙ୍କୁ ଯୋଡ଼ାରେ ଛାଡି ପ୍ରେମିକ ନଗେନ ଗାଁକୁ ଆସି ଅନ୍ୟତ୍ର ବିବାହ ପାଇଁ ଯୋଜନା କରୁଥିବାବେଳେ ଯୁବତୀ ଜଣକ ଯୋଡ଼ାରୁ ଆସି ପ୍ରେମିକ ନଗେନ ଘରେ ପହଞ୍ଚି ବିରୋଧ କରିବା ସହ ଢେଙ୍କିକୋଟ ଫାଣ୍ଡିରେ ଲିଖିତ ଅଭିଯୋଗ କରିଥିଲେ। ଘଟଗାଁ ଥାନା ଅଧିକାରୀ ଅଞ୍ଜନ କୁମାର ପାତ୍ର ଘଟଣାର ତଦନ୍ତ କରି ଅଭିଯୁକ୍ତ ନଗେନକୁ ଗିରଫ କରିଥିଲେ। ଉଭୟଙ୍କର ଡାକ୍ତରୀ ପରୀକ୍ଷା ଓ କୋର୍ଟରେ ଝିଅର ବୟାନ ରେକର୍ଡ କରି ଅଭିଯୁକ୍ତ ନଗେନକୁ କୋର୍ଟ ଚାଲାଣ କରାଯାଇଛି।
Comments are closed.