ନୂଆଦିଲ୍ଲୀ : କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଭାଇରାଲ ଭିଡିଓରେ ସେ ପାଣି ପାଇଁ ସୋନିଆ ଗାନ୍ଧୀଙ୍କୁ ଏବଂ ରାହୁଲ ଗାନ୍ଧୀଙ୍କୁ ପଚାରୁଛନ୍ତି । ଏହା ପରେ ସେ ପାଣି ପିଉଛନ୍ତି । ଏଥିରେ ସାମାଜିକ ଗଣମାଧ୍ୟମରେ ବିବାଦ ଉଠିଛି । ଲୋକମାନେ କହୁଛନ୍ତି କି ‘କଂଗ୍ରେସରେ ପାଣି ପିଇବାକୁ ମଧ୍ୟ ଗାନ୍ଧୀ ପରିବାରକୁ ପଚାରିବାକୁ ପଡୁଛି ।’
कांग्रेस में पानी भी गांधी-परिवार से पूछ कर पीना पड़ता है pic.twitter.com/h8NGKT8mPX
— Rishi Bagree (@rishibagree) March 21, 2024
ଗୁରୁବାର ଦିଲ୍ଲୀରେ ମଲ୍ଲିକାର୍ଜୁନ ଖଡଗେ, ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀ ଖବରଦାତା ସମ୍ମିଳନୀରେ ମୋଦୀ ସରକାରଙ୍କ ଉପରେ କଂଗ୍ରେସକୁ ଆର୍ଥିକ ରୂପେ ଦୁର୍ବଳ କରୁଥିବା ଅଭିଯୋଗ ଲଗାଇଥିଲେ । ଏହି ସାମ୍ବାଦିକ ସମ୍ମିଳନୀର ଏକ ଭିଡିଓ କ୍ଲିପ୍ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି, ଯେଉଁଥିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ନିଜେ ପାଣି ପିଇବା ପାଇଁ ପ୍ରଥମେ ସୋନିଆ ଗାନ୍ଧୀଙ୍କୁ ପଚାରୁଛନ୍ତି ଏବଂ ପରେ ରାହୁଲ ଗାନ୍ଧୀଙ୍କୁ ପଚାରୁଛନ୍ତି ।
ଉଭୟ ମନା କରିବା ପରେ ସେ ନିଜେ ପାଣି ପିଉଛନ୍ତି । ତେବେ ସାମାଜିକ ଗଣମାଧ୍ୟମରେ ଏହି ଭିଡିଓ ଭାଇରାଲ ହେବାପରେ ସମସ୍ତେ ଏହାକୁ ନେଇ କଟାକ୍ଷ କରୁଛନ୍ତି । କିଛି ଲୋକ ଲେଖୁଛନ୍ତି ଯେ କଂଗ୍ରେସରେ ପାଣି ପିଇବାକୁ ମଧ୍ୟ ପଚାରିବାକୁ ପଡୁଛି । ତେବେ ଅନ୍ୟ କିଛି ଜଣ ଲେଖୁଛନ୍ତି ଯେ ଏହା ଭଦ୍ର ବ୍ୟକ୍ତିମାନେ କରନ୍ତି । କୌଣସି ଜିନିଷ ନିଜେ ଗ୍ରହଣ କରିବା ପୂର୍ବରୁ ଅନ୍ୟକୁ ପଚାରିବା ଏକ ଉତ୍ତମ କାର୍ଯ୍ୟ ।
