ମାଲକାନଗିରିର : ଓଡ଼଼ିଶା ଗ୍ରାମ ରୋଜଗାର ସେବକ ସଂଘ, ମାଲକାନଗିରି ଜିଲା ଶାଖା ଦ୍ୱାରା ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ, ସଂଖ୍ୟାଲଘୁ ଓ ପଛୁଆ ବର୍ଗ ଶ୍ରେଣୀ କଲ୍ୟାଣ ବିଭାଗ ମନ୍ତ୍ରୀ ରମେଶ ଚନ୍ଦ୍ର ମାଝିଙ୍କୁ ଦାବୀ ପତ୍ର ପ୍ରଦାନ କରାଯାଇଛି। ସ୍ଥାୟୀ ନିଯୁକ୍ତି ଦାବୀ କରି ଓଡ଼଼ିଶା ଗ୍ରାମ ରୋଜଗାର ସେବକ ସଂଘ ଆହ୍ୱାନ କ୍ରମେ ମାଲକାନଗିରି ଜିଲ୍ଲା ଶାଖା ମଧ୍ୟ ଗତ ସେପ୍ଟେମ୍ବର ୧୫ ତାରିଖରୁ ସମୂହ କାର୍ଯ୍ୟ ବନ୍ଦ ଆନ୍ଦୋଳନରେ ସାମିଲ ହୋଇଚନ୍ତି। ଏହି କାର୍ଯ୍ୟ ବନ୍ଦ ଆନ୍ଦୋଳନ ଯୋଗୁଁ ବିଭିନ୍ନ ଜନହିକର କାର୍ଯ୍ୟ ବାଧାପ୍ରାପ୍ତ ହୋଇଛି। ମନରେଗା ଯୋଜନାରେ ପୂର୍ବେ ମାଲକାନଗିରି ଜିଲା ରାଜ୍ୟରେ ୩ ନମ୍ବର ଥିବା ବେଳେ ବର୍ତ୍ତମାନ ଏହା ୨୫ ନମ୍ବରକୁ ଖସି ଆସିଛି ବୋଳି ସଂଘ ପକ୍ଷରୁ କୁହାଯାଇଛି। ଏଥିଯୋଗୁଁ ପଞ୍ଚାୟତଠାରୁ ଆରମ୍ଭ କରି ବ୍ଲକ ପର୍ଯ୍ୟନ୍ତ ବିଭିନ୍ନ ଯୋଜନା ଠପ ହୋଇଯାଇଛି। ତଥାପି ସରକାର ଦାବୀ ପୂରଣ ପାଇଁ ଆଲୋଚନାକୁ ନ ଡାକି ଆନ୍ଦୋଳନ ପ୍ରତ୍ୟାହାର କରିବାକୁ ଚାପ ପ୍ରୟୋଗ କରୁଛନ୍ତି। ଡିସେମ୍ବର ୨୧ ରେ ପଞ୍ଚାୟତରାଜ ବିଭାଗ ପକ୍ଷରୁ କାରଣ ଦର୍ଶାଅ ନୋଟିସ ଜାରୀ କରି ଡିସେମ୍ବର ୨୭ ସୁଦ୍ଧା କାର୍ଯ୍ୟରେ ଯୋଗ ଦେବାକୁ ନିର୍ଦ୍ଦେଶ ଦେଇଥିଲେ। ଏହି ଆଦେଶକୁ ସାକାରତ୍ମକ କରିବା ପାଇଁ ନିକଟରେ ସୁନ୍ଦରଗଡ଼ ଜିଲାର ୨୨୩ ଜଣଙ୍କୁ କାର୍ଯ୍ୟରୁ ବହିଷ୍କୃତ କରାଯାଇଛି। ତେଣୁ ଦାବୀ ପ୍ରତି ଗୁୁରୁତ୍ୱ ଦେବାକୁ ସଂଘ ପକ୍ଷରୁ ମନ୍ତ୍ରୀଙ୍କୁ ଏକ ଦାବୀ ପତ୍ର ପ୍ରଦାନ କରାଯାଇଛି। ତେବେ ଆସନ୍ତା ୧୪ ତାରିଖରେ ଏ ସମ୍ପର୍କରେ ସଂଘର କର୍ମକର୍ତ୍ତାଙ୍କୁ ଡାକି ଆଲୋଚନା କରାଯିବ ବୋଲି ମନ୍ତ୍ରୀ ଶ୍ରୀ ମାଝି ପ୍ରତିଶ୍ରୃତି ଦେଇଥିବା ଜଣାପଡ଼ିଛି।
Popular Categories
Previous article
Next article