ମାଲକାନଗିରି : ମାଲକାନଗିରି ଜିଲା ସୀମାନ୍ତବର୍ତ୍ତୀ ଆନ୍ଧ୍ରପ୍ରଦେଶରେ ରବିବାର ଏକ ଅଭାବନୀୟ ଘଟଣା ଘଟିଯାଇଛି। ଏକ ଯାତ୍ରୀବାହୀ ଲଞ୍ଚ ବୁଡ଼ି ପ୍ରାୟ ୨୫ ଜଣ ଲୋକେ ନିଖୋଜ ହୋଇଯାଇଥିବା ବେଳେ ୨୭ ଜଣ ନିଜ ଜୀବନ ବଞ୍ଚାଇବାକୁ ସକ୍ଷମ ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ପୁଲିସ ଉପସ୍ଥିତ ଥିବା ସହ ଓଡ଼୍ରାଫ ଟିମ ଓ ଅଗ୍ନିଶମ ବିଭାଗ କର୍ମଚାରୀ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ତେବେ ଏଯାବତ କେତେ ଜଣ ନିଖୋଜ ରହିଛନ୍ତି ସେନେଇ ସ୍ପଷ୍ଟ ସୂଚନା ମିଳିପାରିନାହିଁ।
ପୂର୍ବ ଗୋଦାବରୀ ଜିଲା ଦେବୀପାଟନମ ଠାରେ ପ୍ରାୟ ୫୦ ଲୋକଙ୍କୁ ନେଇ ଯାଉଥିବା ଏହି ଯାତ୍ରୀବାହୀ ଲଞ୍ଚଟି ନଦୀ ଗର୍ଭରେ ବୁଡ଼ି ଯାଇଥିଲା। ଆବଶ୍ୟକ ଠାରୁ ଅଧିକ ଲୋକେ ଏଥିରେ ଯାଉଥିବାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି।
