ମୁମ୍ବଇ : ଆୟୁଷ୍ମାନ ଖୁରାନାଙ୍କ ଅଭିନୀତ ଚଳଚ୍ଚିତ୍ର ‘ଡ୍ରିମ୍ଗର୍ଲ’ ବକ୍ସ ଅଫିସରେ ଉଲ୍ଲେଖନୀୟ ଆୟ କରୁଛି। ମୁକ୍ତିଲାଭର ୨ଦିନ ମଧ୍ୟରେ ଏହା ୨୬ କୋଟି ୪୭ ଲକ୍ଷ ଟଙ୍କାର ବ୍ୟବସାୟ କରିଛି। ପ୍ରଥମ ଦିନରେ ଚଳଚ୍ଚିତ୍ର ୧୦ କୋଟି ୫ ଲକ୍ଷ ଟଙ୍କା ଆୟ କରିଥିବା ବେଳେ ଦ୍ୱିତୀୟ ଦିନରେ ୧୬ କୋଟି ୪୨ ଲକ୍ଷ ଟଙ୍କା ଆୟ କରିଛି। ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ ଚଳଚ୍ଚିତ୍ରର ଆୟ ସମ୍ବନ୍ଧୀୟ ସୂଚନା ପ୍ରଦାନ କରିଛନ୍ତି। ଏହାସହିତ ତୃତୀୟ ଦିନର ଆୟ ପ୍ରଥମ ଓ ଦ୍ୱିତୀୟ ଦିନର ରେକର୍ଡ଼ ଭାଙ୍ଗିବ ବୋଲି ସେ ଅନୁମାନ କରି କହିଛନ୍ତି। ଚଳଚ୍ଚିତ୍ରର ବଜେଟ୍ ପ୍ରାୟ ୩୦ କୋଟି ରହିଛି।
‘ଡ୍ରିମ୍ଗର୍ଲ’ରେ ନୁଶରତ ଭରୁଚା ଆୟୁଷ୍ମାନଙ୍କ ବିପକ୍ଷରେ ନାୟିକା ଭାବେ ଅଭିନୟ କରିଛନ୍ତି। ଏ ଦୁହିଁଙ୍କ ବ୍ୟତୀତ ଅନ୍ନୁ କପୁର, ଅଭିଷେକ ବାନାର୍ଜୀ ଓ ବିଜୟ ରାଜ ପ୍ରମୁଖ କଳାକାରଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିଛି।
