କାଲିମେଳା:ମାଲକାନଗିରି ଜିଲ୍ଲା କାଲିମେଳା ବ୍ଲକ ସୀମାନ୍ତ ମୋଟୁ ପଞ୍ଚାୟତର ପେଟା ଗ୍ରାମରେ ଥିବା ପଥର ଖାଦାନ କୁ ଚାଲୁରଖିବାକୁ ପେଟା ସମେତ ଅନ୍ୟ ଗ୍ରାମର ଗ୍ରାମବାସୀ ମାଲକାନଗିରି ବିଧାୟକ ଆଦିତ୍ୟ ମାଢିଙ୍କୁ ଦାବି ଜଣାଇଛନ୍ତି।ଏ ନେଇ ଶନିବାର ପେଟା ଗ୍ରାମରେ ଏକ ସଭା ଅନୁଷ୍ଠିତ କରି ପଥର ଖାଦାନ ଚାଲୁରଖିବା ପାଇଁ ବିଧାୟକଙ୍କୁ ଗ୍ରାମବାସି ମାନେ ଦାବିପତ୍ର ଦେଇଛନ୍ତି। ଏହି ଦାବିପତ୍ରରେ ସେମାନେ ଦର୍ଶାଇଛନ୍ତି ଯେ ଏହି ପଥର ଖାଦାନ ହେବା ଦ୍ୱାରା ପେଟା ,ଉରବାଲ୍ଲି ,କଣ୍ଡାପାଲ୍ଲୀ ,ଜିନେଲଗୁଡା, ଏମପିଭି-୫୫,ଏମଭି-୧୨୮,ପୁଶୁଗୁଡା,ରାମଭାରମ ଇତ୍ୟାଦି ଗ୍ରାମର ବହୁ ସଂଖ୍ୟାକ ଶ୍ରମିକ ଏହି ଉକ୍ତ ଖାଦାନରେ କାର୍ୟ୍ୟକରି ନିଜ ପରିବାର ପୋଷଣ କରୁଛନ୍ତି।ଅଧିକାଂଶ ଶିକ୍ଷିତ ଯୁବକ ଯୁବତୀଙ୍କୁ ଯୋଗ୍ୟତା ହିସାବରେ କମ୍ପାନୀରେ ନିଯୁକ୍ତି ପାଇ କାର୍ୟ୍ୟ କରୁଛନ୍ତି।ସୁଚନା ଥାଉକି କିଛିଦିନ ତଳେ ଜିଲ୍ଲାର ଏକ ରାଜନୈତିକ ଦଳର ପୁର୍ବତନ ସାଂସଦ ଉକ୍ତ ଖାଦନ ଅଂଚଳ ପରିଦର୍ଶନ କରିବା ସମୟରେ ଖାଦନ ବନ୍ଦ ପାଇଁ କମ୍ପାନୀକୁ ଚେତାବନୀ ଦେଇଥିଲେ।ଉକ୍ତ ଘଟଣା ବିଷୟରେ ଗଣମାଧ୍ୟମରେ ମଧ୍ୟ ପ୍ରକାଶ ପାଇଥିଲା। କିନ୍ତୁ ଏହି ଅଂଚଳରେ ଆଜି ବିଧାୟକ ପହଂଚିବା ପରେ ଗ୍ରାମବାସି ମାନେ ଅଭିଯୋଗ ଲିଖିତ ଆକାରରେ ୧୫୦ ରୁ ଉର୍ଦ୍ଧ ପୁରୁଷ ମହିଳା ସ୍ୱାକ୍ଷର ଓ ଟିପ ଚିହ୍ନ ଦେଇ ଖାଦାନ ଚଳାଉଥିବା ବେନୁଗୋପାଳ କମ୍ପାନୀ ଚାଲିବା ସପକ୍ଷରେ ମତାମତ ଦେଇଥିଲେ।
