ଭୁବନେଶ୍ୱର: ଭୁବନେଶ୍ୱର କ୍ଳବର ନିର୍ବାଚନ ଫଳାଫଳ ରବିବାର ପ୍ରକାଶ ପାଇଛି । ଗୁପ୍ତା ପାୱାର ଇନ୍ଫ୍ରାଷ୍ଟ୍ରକ୍ଚର୍ ପରିଚାଳନା ନିର୍ଦ୍ଦେଶକ ମହେନ୍ଦ୍ର ଗୁପ୍ତା ପୁଣିଥରେ କ୍ଳବର ଉପସଭାପତି ଭାବେ ନିର୍ବାଚିତ ହୋଇଛନ୍ତି । ନିର୍ବାଚନରେ ମୋଟ୍ ୧୯୫୦ ସଦସ୍ୟଙ୍କ ମଧ୍ୟରୁ ୧୦୫୪ ସଦସ୍ୟ ମତଦାନ କରିଥିଲେ ।
ମତଦାନ ଲାଗି କ୍ଳବ୍ ପରିସରରେ ୫ଟି ବୁଥ୍ ହୋଇଥିଲା । ଅସୀତ୍ଙ୍କ ଟିମ୍ରେ ଉପସଭାପତି ପଦ ଲାଗି ମହେନ୍ଦ୍ର ଗୁପ୍ତା, ସମ୍ପାଦକ ପାଇଁ ଦିଲ୍ଲୀପ ରାଉତରାୟ ଏବଂ ଯୁଗ୍ମ ସଚିବ ପଦ ପାଇଁ ଅଶୋକ କୁମାର ମିଶ୍ର ଏବଂ ସତ୍ୟପ୍ରକାଶ ନନ୍ଦଙ୍କ ଟିମ୍ରେ ତାପସ ରାୟ ଉପସଭାପତି, ମାନସ ରଞ୍ଜନ ଦାସ ସମ୍ପାଦକ, ଜ୍ୟୋତିର୍ମୟ ମହାନ୍ତି ଯୁଗ୍ମ ସଚିବ ପଦ ପାଇଁ ପ୍ରତିଦ୍ୱନ୍ଦିତା କରିଥିଲେ ।
ଏଥିରେ ମହେନ୍ଦ୍ର ଗୁପ୍ତା ୬୬୨ ଖଣ୍ଡ ଭୋଟ ପାଇ ଉପସଭାପତି ଭାବେ ନିର୍ବାଚିତ ହୋଇଛନ୍ତି । ଭୁବନେଶ୍ୱର କ୍ଳବ ନିର୍ବାଚନ ଫଳାଫଳ ପ୍ରକାଶ ପାଇବା ପରେ କ୍ଳବ୍ ପରିସରରେ ବାଜା ଓ ବାଣ ଫୁଟାଇ ମହେନ୍ଦ୍ରଙ୍କ ସମର୍ଥକ ଖୁସି ପାଳନ କରିଥିଲେ । ଏହି ଅବସରରେ ମହେନ୍ଦ୍ର ଗଣମାଧ୍ୟମକୁ ସୂଚନା ଦେଇଛନ୍ତି ଯେ, କିଛିଦିନ ମଧ୍ୟରେ କ୍ଲବରେ ଯେଉଁ କାମହୋଇଛି ତାହାକୁ କ୍ଲବ୍ ସଦସ୍ୟମାନେ ସମର୍ଥନ କରିଛନ୍ତି । ଏହି କ୍ଲବକୁ ଏବେ ସାମାଜିକ, ସାଂସ୍କୃତିକ ଏବଂ ଅଭିଜ୍ଞ ପ୍ଲାଟ୍ଫର୍ମ କରିବାକୁ ଚେଷ୍ଟା କରିବୁ । ଏନେଇ ଦୂରଦୃଷ୍ଟି ଆମ ସମସ୍ତଙ୍କର ରହିଛି ।
Comments are closed.