ନୂଆଦିଲ୍ଲୀ: ପତ୍ନୀଙ୍କ ଦ୍ୱାରା ନିର୍ଯାତିତ ହେଉଛନ୍ତି କୃଷ୍ଣ । ମହାଭାରତରେ ଶ୍ରୀକୃଷ୍ଣ ଭୂମିକାରେ ଅଭିନୟ କରିଥିବା ଅଭିନେତା ତଥା ପୂର୍ବତନ ସାଂସଦ ନୀତିଶ ଭରଦ୍ୱାଜ ନିଜ ପତ୍ନୀଙ୍କ ଦ୍ୱାରା ମାନସିକ ନିର୍ଯାତିତ ହେଉଥିବା ଅଭିଯୋଗ କରିଛନ୍ତି । ଏଥିରୁ ତାଙ୍କୁ ମୁକୁଳାଇବାକୁ ଭୋପାଳ ପୁଲିସ କମିଶନରଙ୍କୁ ସେ ଗୁହାରି କରିଛନ୍ତି । ଆଇଏଏସ୍ ପତ୍ନୀଙ୍କ ବିରୋଧରେ ଥାନାରେ ଅଭିଯୋଗ କରିବା ପରେ ମାମଲା ରୁଜୁ ହୋଇଛି ।
ଅଭିନେତା ତଥା ପୂର୍ବତନ ସାଂସଦ ନୀତୀଶ ଭରଦ୍ୱାଜ ନିଜ ପତ୍ନୀ ତଥା ମଧ୍ୟପ୍ରଦେଶ କ୍ୟାଡରର ଆଇଏଏସ୍ ସ୍ମିତା ଭରଦ୍ୱାଜଙ୍କ ବିରୋଧରେ ନିର୍ୟାତନା ଅଭିଯୋଗ କରିଛନ୍ତି। ସ୍ମିତା ତାଙ୍କୁ ଦୀର୍ଘ ଦିନ ହେବ ମାନସିକ ନିର୍ୟାତନା ଦେଉଥିବା ସେ କହିଛନ୍ତି। ଏନେଇ ସେ ଏକ ମାମଲା ରୁଜୁ କରିବା ସହ ଭୋପାଲ ପୁଲିସ କମିଶନର ହରି ନାରାୟଣଚାରୀ ମିଶ୍ରଙ୍କୁ ଏକ ମେଲ୍ ଲେଖି ସହାୟତା ମାଗିଛନ୍ତି। ନୀତିଶ ଭରଦ୍ୱାଜ ୨୦୦୯ ମାର୍ଚ୍ଚ ୧୪ରେ ମଧ୍ୟପ୍ରଦେଶ କ୍ୟାଡରର ଆଇଏଏସ୍ ଅଫିସର ସ୍ମିତାଙ୍କୁ ବିବାହ କରିଥିଲା। ଏହା ଥିଲା ଉଭୟଙ୍କ ଦ୍ୱିତୀୟ ବିବାହ।
Comments are closed.