ଭୋପାଳ : ମଧ୍ୟପ୍ରଦେଶର ରାଜଧାନୀ ଭୋପାଳରେ ଜଣେ ଜେଜେବାପା-ଜେଜେମାଆ ନିଜ ୨ ବର୍ଷର ନାତୁଣୀର ଜୀବନ ରକ୍ଷା କରିବାକୁ ଯାଇ ଚିତାବାଘ ସହ ଲଢେଇ କରିବାକୁ ପଛ ଘୁଞ୍ଝା ଦେଇ ନାହାନ୍ତି। ଖୁବ ସାହସ ଦେଖାଇ ହିଂସ୍ର ଜନ୍ତୁ କବଳରୁ ନାତୁଣୀକୁ ରକ୍ଷା କରିଛନ୍ତି। ଏହି ଘଟଣା ବିଷୟରେ ସ୍ଥାନୀୟ ଲୋକେ ଶୁଣି ଉଭୟଙ୍କ ସାହସକୁ ପ୍ରଂଶସା କରିବା ସହ ଏହା ଏବେ ଖୁବ ଚର୍ଚ୍ଚାର ବିଷୟ ପାଲଟିଛି।
ଘଟଣାକ୍ରମେ ; ଏହି ଘଟଣା ଗୁରୁବାର (୧୯ ଅଗଷ୍ଟ) । ରାତିରେ କୁନୋ ଜାତୀୟ ଉଦ୍ୟାନ ନିକଟରେ ଏକ ଗାଁ ରହିଛି। ଗୋଟିଏ ଘରର ଅଗଣାରେ ବୃଦ୍ଧ ଦମ୍ପତି ନିଜ ନାତୁଣୀ ସହ ଶୋଇଥିଲେ। ଏହି ସମୟରେ ଏକ ଚିତାବାଘ ଘରର ଅଗଣାକୁ ଆସି ବୃଦ୍ଧଙ୍କ ଶିଶୁକୁ ଉଠାଇ ନେବାକୁ ଚେଷ୍ଟା କରିବା ସମୟରେ ଶିଶୁର ପାଟି ଶୁଣି ବୃଦ୍ଧ ଦମ୍ପତିଙ୍କ ନିଦ ଭାଙ୍ଗି ଯାଇଥିଲା। ବାଘକୁ ଦେଖି ଉଭୟ ଚିତ୍କାର କରିବାକୁ ଲାଗିଲେ। ସେହି ସମୟରେ ଉଭୟ ବାଘକୁ ଖୁବ ଜୋରେ ଗୋଡରେ ମାରିବା ସହ ବାରମ୍ବାର ବୃଦ୍ଧ ଦମ୍ପତି ବାଘକୁ ଆକ୍ରମଣ କରିଥିଲେ। ବାଘ ସେହି ସମୟରେ ଶିଶୁଟିକୁ ଛାଡିଦେବା ସହ ବୃଦ୍ଧଙ୍କୁ ଆକ୍ରମଣ କରିବାକୁ ଲାଗିଲା। ବାଘ ଆକ୍ରମଣରେ ବୃଦ୍ଧ ଗୁରୁତର ଆହତ ହୋଇଛନ୍ତି। ଚିତ୍କାର ଶୁଣି ପାଖପଡ଼ୋଶୀ ଠେଙ୍ଗା ଲାଠି ନେଇ ପହଞ୍ଚିବା ପରେ ବାଘ ଜଙ୍ଗଲ ଭିତରକୁ ପଳାଇଥିଲା।
