ନୂଆଦିଲ୍ଲୀ : ମଧ୍ୟପ୍ରଦେଶର ଧାର ଜିଲାରେ ମର୍ମନ୍ତୁଦ ସଡକ ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ଘଟିଛି । ଭୁଲ୍ ଦିଗରୁ ଆସୁଥିବା ଏକ ଗ୍ୟାସ ଟ୍ୟାଙ୍କର ଏକ କାର୍ ଓ ପିକ୍ଅପ୍ ଭ୍ୟାନକୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଛି । କାର୍ଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା । ଲୋକେ ସେଥିରେ ଫସି ରହିଥିଲେ। ପିକ୍ଅପ୍ରେ ମଧ୍ୟ ଲୋକେ ଫସି ରହିଥିଲେ । ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି କ୍ରେନ୍ ସାହାଯ୍ୟରେ ଉଦ୍ଧାର କରିଥିଲେ । ୩ ଗୁରୁତରଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ବୁଧବାର ରାତିରେ ଧାର ଜିଲ୍ଲା ଦେଇ ଯାଇଥିବା ନବନିର୍ମିତ ବଡନାୱର-ଉଜ୍ଜୈନ ନିକଟରେ ଏହି ଦୁର୍ଘଟଣା ଘଟିଥିଲା । ପୁଲିସ ଘଟଣାର ତଦନ୍ତ ଜାରି ରଖିଛି ।
ଦେଖନ୍ତୁ ଭିଡିଓ; ପାର୍କରେ ନିଜ ଛୁଆକୁ ଛାଡି ପଳାଉଥିଲେ ମହିଳା, ଆଉ ତା’ପରେ..
- Advertisement -
