କେନାଲକୁ କାର ଖସି ପାଞ୍ଚ ମୃତ

ଚଣ୍ଡିଗଡ : ଲୁଧିଆନାରେ ସୋମବାର ବିଳମ୍ବିତ ରାତିରେ ଏକ କାର କେନାଲ ମଧ୍ୟକୁ ଖସି ଯାଇ ୫ ଜଣଙ୍କ ମୃତ୍ୟୁ ଘଟିଥିବା ନେଇ ଖବର ମିଳିଛି। ଏହି ମର୍ମନ୍ତୁଦ ଦୁର୍ଘଟଣା ପ୍ରାୟ ରାତି ୧୨ଟା ସମୟରେ ଘଟିଛି। ଅନେକ ସମୟ ପରେ କେନାଲ ମଧ୍ୟରେ କାରକୁ ଦେଖି ଲୋକେ ପୁଲିସକୁ ଖବର ଦେଇଥିଲେ।
ମିଳିଥିବା ସୂଚନାନୁଯାୟୀ, ଗତକାଲି ପ୍ରାୟ ରାତି ୧୨ଟା ସମୟରେ ପାୟଲ ଗ୍ରାମ ନିକଟ ଝାମତ ପୋଲ ନିକଟରେ ଏକ କାର କେନାଲ ମଧ୍ୟକୁ ଖସିପଡିଥିଲା। କାରରେ ୬ ଜଣ ଥିବା ବେଳେ ୫ ଜଣଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା। ଜଣଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। କାରଟି ଦ୍ରୁତ ଗତିରେ ଥିବାରୁ ନିୟନ୍ତ୍ରଣ ହରାଇ କେନାଲକୁ ଖସି ପଡିଛି ବୋଲି ପୁଲିସ ସନ୍ଦେହ କରୁଛି। ମୃତଦେହ ଉଦ୍ଧାର କରାଯାଇ ତଦନ୍ତ ଆରମ୍ଭ ହୋଇଛି।