BSKY banner  750×100

ଲକଡାଉନ୍ ପାଇଁ ବରେଲିରେ ଫସି ରହିଥିବା ଲକ୍ଷ୍ନୌ ଯୁବକଙ୍କ ଆତ୍ମହତ୍ୟା, ଗେଷ୍ଟ ହାଉସରେ ଲଗାଇଲେ ଫାଶୀ

nua o banner

ବରେଲି: ଲକଡାଉନ୍ ପାଇଁ ବରେଲି ଫସି ରହିଥିବା ଜଣେ ଲକ୍ଷ୍ନୌ ଯୁବକଙ୍କ ଆତ୍ମହତ୍ୟା କରିଛନ୍ତି। ସେ ରହିଥିବା ଗେଷ୍ଟ ହାଉସରେ ଫାଶୀ ଲଗାଇ ଆତ୍ମହତ୍ୟା କରିଥିବା ଜଣାପଡିଛି।

ମିଳିଥିବା ସୂଚନା ଅନୁଯାୟୀ, କୌଣସି କାମରେ ଯୁବକ ଜଣକ ବରେଲି ଆସିଥିଲେ। ମାର୍ଚ୍ଚ ୧୮ ତାରିଖରେ ସୁଭାଷ ନଗର ଅଞ୍ଚଳର ଜଙ୍କସନ ପୋଷ୍ଟ ନିକଟରେ ଅବସ୍ଥିତ ଏକ କ୍ଲାସିକ୍ ଗେଷ୍ଟ ହାଉସରେ ରହିଥିଲେ। କିନ୍ତୁ ସମଗ୍ର ଦେଶରେ ଲକଡାଉନ୍ ହେତୁ ସେ ସେଠାରେ ଅଟକି ଯାଇଥିଲେ। ଲକ୍ଷ୍ନୌ ଫେରିବା ପାଇଁ ସେ ପୁଲିସ ଏବଂ ଅନ୍ୟ ଅଧିକାରୀଙ୍କୁ ଅନୁମତି ମାଗିଥିଲେ। କିନ୍ତୁ ସଂକ୍ରମଣ ଆଶଙ୍କାରେ ତାଙ୍କୁ ଅନୁମତି ମିଳିନଥିଲ।

ତିନି ସପ୍ତାହ ଧରି ବରେଲିରେ ଫସି ରହିଥିବା ଯୁବକ ଜଣକ ମଙ୍ଗଳବାର ଗେଷ୍ଟ ହାଉସରରେ ଫାଶୀ ଦେଇ ଆତ୍ମହତ୍ୟା କରିଥିଲେ। ଯୁବକ ଜଣକ ବେଡସିଟ୍ ସାହାଯ୍ୟରେ ଫ୍ୟାନରେ ଫାଶୀ ଲଗାଇ ଆତ୍ମହତ୍ୟା କରିଥିଲେ। ବୁଧବାର ସକାଳେ ଗେଷ୍ଟ ହାଉସର ଜଣେ କର୍ମଚାରୀ ଖାଦ୍ୟ ଅର୍ଡର ନେବାକୁ ତାଙ୍କ ରୁମକୁ ଯାଇଥିଲେ। ସେତେବେଳେ ଯୁବକ ଜଣକ ଆତ୍ମହତ୍ୟା ବିଷୟରେ ଜଣାପଡିଥିଲା। ପୁଲିସ କବାଟ ଭାଙ୍ଗି ମୃତଦେହକୁ ଜବତ କରିଥିଲା।

ଯୁବକଙ୍କ ଆଧାର କାର୍ଡ, ଦିଲ୍ଲୀ ମେଟ୍ରୋ କାର୍ଡ ଏବଂ ଅନ୍ୟାନ୍ୟ ପରିଚୟ ମିଳିଛି। ଯୁବକଙ୍କ ପରିବାରକୁ ସୂଚନା ଦିଆଯାଇଛି। କିନ୍ତୁ ଘଟଣାର ସଠିକ୍ କାରଣ ଏପର୍ଯ୍ୟନ୍ତ ଜଣାପଡି ନାହିଁ। ପୁଲିସକୁ ସୁଇସାଇଡ୍ ନୋଟ୍ ମିଳି ନ ଥିବା ବେଳେ ଯୁବକଙ୍କ ମୋବାଇଲ୍ ଫୋନ୍ ମିଳିଛି। କିନ୍ତୁ ଫୋନଟି ଫର୍ମାଟ୍ ହୋଇଥିବା ଜଣାପଡିଛି। ଆତ୍ମହତ୍ୟା ପୂର୍ବରୁ ଯୁବକ ମୋବାଇଲର ତଥ୍ୟ ଡିଲିଟ କରିଥିବା ପୁଲିସ ଅନୁମାନ କରୁଛି।

Comments are closed.