କୋରାପୁଟ: ସୋସିଆଲ ମିଡିଆରେ ଗ୍ରୁପ୍ କରି ସାଇବର ଠକେଇ । ଟଙ୍କା ବିନିଯୋଗ କଲେ ଦୁଇ ଗୁଣ ହେବା ଲୋଭ ଦେଖାଇ ଠକେଇ କରୁଥିବା ଜଣେ ଠକକୁ ଗିରଫ କରିଛି କୋରାପୁଟ ସାଇବର ଥାନା ପୁଲିସ୍। ଅଭିଯୁକ୍ତ ଜଣକ ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର କାନପୁର ଗାଁର ଜଗନ୍ନାଥ ବେହେରା। ସେ ସୋସିଆଲ ମିଡିଆରେ ଅଜଣା ଲୋକଙ୍କ ସହ ଯୋଗାଯୋଗ କରିବା ପରେ ଲିଙ୍କ୍ ପଠାଉଥିଲା। ଏହାପରେ ସମ୍ପୃକ୍ତ ବ୍ୟକ୍ତି ମାନଙ୍କୁ ନେଇ ସୋସିଆଲ ମିଡିଆ ଆପ୍ ଟେଲିଗ୍ରାମରେ ଗ୍ରୁପ୍ ତିଆରି କରୁଥିଲା। ଏଠାରେ ଟଙ୍କା ବିନିଯୋଗ କରି ଦୁଇ ଗୁଣା ପାଇବା ପାଇଁ ଲୋଭନୀୟ ଅଫର ଦେଉଥିଲା। ଏଥିରେ ପଟ୍ଟାଙ୍ଗୀ ଅଞ୍ଚଳର ଆଶିଷ କୁମାର ପ୍ରଧାନ ନାମକ ଜଣେ ବ୍ୟକ୍ତି ଫସିଯାଇଥିଲେ। ସେ ଜଗନ୍ନାଥଙ୍କ ଆକାଉଣ୍ଟରେ ଏକ ଲକ୍ଷ ୫୮ ହଜାର ଟଙ୍କା ଜମା କରିଥିଲେ। ତେବେ ଜଗନ୍ନାଥ ଆଉ ତାଙ୍କୁ ଧରା ଛୁଆଁ ଦେଇନଥିଲେ। ଲହାପରେ ଆଶିଷ ଗତ ଫେବୃଆରୀ ମାସ ୭ ତାରିଖରେ କୋରାପୁଟ ସାଇବର ଥାନାର ଦ୍ବାରସ୍ଥ ହୋଇଥିଲେ। ପୁଲିସ୍ ପକ୍ଷରୁ ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରାଯାଇଥିଲା। ଏବଂ ଅଭିଯୁକ୍ତଙ୍କଠାରୁ ଠକେଇ ଟଙ୍କା ଏବଂ ଏକ ମୋବାଇଲ ଫୋନ୍ ଜବତ ହୋଇଛି।
Popular Categories
Previous article
Next article