ବେଗୁନିଆ : ମଙ୍ଗଳବାର ଅପରାହ୍ନରେ ବେଗୁନିଆ ଥାନା ଅଧିକାରୀ ଲଷ୍ମୀପ୍ରସାଦ ଶତପଥୀଙ୍କ ନିର୍ଦେଶରେ ଏହି ଥାନା ଦେଉଳି ପଞ୍ଚାୟତ ଅନ୍ତର୍ଗତ ଗୋପୀନାଥପୁର ବାଉଁଶ ଜଙ୍ଗଲରେ ବେଗୁନିଆ ପୋଲିସ ଚଢ଼ାଉ କରି ୫୦୦ଲିଟର ପୋଚ ନଷ୍ଟ କରିବା ସହିତ ୬ ଲିଟର ଦେଶୀ ମଦ ଏବଂ ବିଭିନ୍ନ ମଦ ପ୍ରସ୍ତୁତ ସରଞ୍ଜାମ ଜବତ କରିଛି । ସମ୍ପୃକ୍ତ ସ୍ଥାନରେ ସେହି ଗ୍ରାମର ବୃନ୍ଦାବନ ରାଉତରାୟ ମଦ ପ୍ରସ୍ତୁତ କରୁଥିବାର ଖବର ପାଇ ଥାନା ଅଧିକାରୀଙ୍କ ନିର୍ଦେଶରେ ଏସ ଆଇ ଶ୍ରୀକାନ୍ତ ପଣ୍ଡା, ଏଏସଆଇ ଗଜେନ୍ଦ୍ର ଜେନା ଏବଂ ଥାନା କର୍ମଚାରୀମାନେ ସେଠାରେ ଚଢ଼ାଉ କରିବା ସମୟରେ ଅଭିଯୁକ୍ତ ସେଠାରୁ ଖସି ପଳାଇଯାଇଥିଲା । ପୋଲିସ ପୋଚଗୁଡିକ ନଷ୍ଟ କରି ୬ ଲିଟର ଦେଶୀ ମଦ ସହିତ ୫ ଟି ବଡ଼ ପ୍ଲାଷ୍ଟିକ ଡ୍ରମ ଏବଂ ଦୁଇଟି ବଡ଼ ରସ ଡେକଚି ଜବତ କରିଛି ।ଥାନାରେ ୧୧୦/୨୧ ନଂ କେଶ ରୁଜୁ କରି ଅଭିଯୁକ୍ତକୁ ଗିରଫ କରିବା ପାଇଁ ଉଦ୍ୟମ ଅବ୍ୟାହତ ରଖିଛି ।
Comments are closed.