ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଭୟଭୀତ କରୁଥିବା ଭିଡିଓ ସାମ୍ନାକୁ ଆସିଥାଏ । ବିଶେଷ କରି ଜଙ୍ଗଲୀ ଜୀବଜନ୍ତୁଙ୍କ ଭିଡିଓ ସଭିଁଙ୍କ ଧ୍ୟାନକୁ ଅଧିକ ଆକର୍ଷିତ କରିବା ସହ ଆଶ୍ଚର୍ଯ୍ୟ ଚକିତ ମଧ୍ୟ କରିଥାଏ । ତେବେ ଜଙ୍ଗଲୀ ଜନ୍ତୁଙ୍କୁ ରାସ୍ତାରେ ବୁଲୁଥିବାର ଅନେକ ଭିଡିଓ ଲୋକେ ନିଶ୍ଚିତ ଦେଖିଥିବେ । ଅନେକ ସମୟରେ ରାତି ଅନ୍ଧାରରେ ହିଂସ୍ର ଜନ୍ତୁ ଶିକାର ଖୋଜି ଜନବସତି ଅଞ୍ଚଳକୁ ପ୍ରବେଶ କରି ଥାନ୍ତି । ଶିକାର ପାଇଁ ଜନବସତିକୁ ପଶି ଆସିଥିବା ସିଂହ ଓ ବାଘର ଅନେକ ଭିଡିଓ ମଧ୍ୟ ଭାଇରାଲ୍ ହୋଇଥାଏ । ନିକଟରେ ଭାଇରାଲ୍ ହେଉଥିବା ଏକ ଭିଡିଓ ଆଶ୍ଚର୍ଯ୍ୟ ଚକିତ ସହ ଲୋକଙ୍କ ହୋସ୍ ଉଡାଇ ଦେଇଛି । ସିଂହକୁ ଭୟ କରିବା ସାଧାରଣ କଥା । ତେବେ ଚିନ୍ତା କରନ୍ତୁ ଆପଣ ଛାତ ଉପରେ ଶୋଇଥିବା ସମୟରେ ହଠାତ୍ ୨ଟି ସିଂହ ପହଞ୍ଚିଗଲେ ଅବସ୍ଥା କ’ଣ ହେବ ।
*गुजरात,धारी- जिला अमरेली में एक शेर निर्माणाधीन भवन में भ्रमण करता देखा गया!*
*छत पर मजदूर सो रहे थे, अचानक नींद खुलने पर शेर को देखकर उनके होश उड़ गए और वह जान बचाकर भागे!!* pic.twitter.com/y3dacPHLoU
— Anand Vir Singh (@AnandVirSingh12) June 29, 2025
ନିକଟରେ ଭାଇରାଲ୍ ହେଉଥିବା ଏକ ଭିଡିଓରେ ଦେଖିପାରିବେ, ଏକ ନିର୍ମାଣାଧୀନ ଅଟ୍ଟାଳିକାର ଛାତ ଉପରେ ୨ରୁ ୩ ଜଣ ଶ୍ରମିକ ଶୋଇଛନ୍ତି । ସେହି ସମୟରେ ସେଠାରେ ଗୋଟିଏ ନୁହେଁ ବରଂ ୨ଟି ସିଂହ ପହଞ୍ଚି ଯାଇଛନ୍ତି । ସିଂହ ସେଠାରେ ପହଞ୍ଚିବା ପୂର୍ବରୁ ଶ୍ରମିକ ଜଣକ ବସିଥିବା ଭିଡିଓରେ ଦେଖିପାରିବେ । ମାତ୍ର କିଛି ସମୟରେ ସେ ମଧ୍ୟ ସେଠାରେ ଶୋଇପଡିଛନ୍ତି ।
ସିଂହ ଛାତ ଉପରକୁ ଯାଇ ବାରମ୍ବାର ଶ୍ରମିକଙ୍କ ନିକଟରେ ବୁଲିବା ସହ ଶୁଙ୍ଘୁଛି । ମାତ୍ର ଆକ୍ରମଣ କରୁ ନାହିଁ । ଏହି ଭିଡିଓଟି ଗୁଜୁରାଟର ଅମରେଲୀ ଜିଲାର ଧାରୀ ଅଞ୍ଚଳର ବୋଲି କୁହାଯାଉଛି । କିଛି ଦିନ ତଳେ ହିଁ ଭିଡିଓଟି ଦ୍ରୁତ ଗତିରେ ଭାଇରାଲ୍ ହୋଇଛି । ଶ୍ରମିକ ଜଣକ ସିଂହକୁ ଦେଖି ସେଠାରୁ ଦୌଡି ପଳାଉଛନ୍ତି । କେହି କେହି ଭିଡିଓ ଅସଲି ତ କେହି ଭିଡିଓକୁ ନକଲି ବୋଲି ମତ ଦେଇଛନ୍ତି ।
