ସମ୍ବଲପୁର: ଅଧିଷ୍ଠାତ୍ରୀ ଦେବୀ ମା’ ସମଲେଇ ମନ୍ଦିରରେ ପୁଣି ଥରେ ଆରମ୍ଭ ହେଲା ‘ଆଲୋକ ଓ ଧ୍ବନି’। କୋଭିଡ କଟକଣା କାରଣରୁ ୧୧ ସେପ୍ଟେମ୍ବର ୨୦୨୧ରେ ମୁଖ୍ୟମନ୍ତ୍ରୀଙ୍କ ଉଦଘାଟନ ପରେ ଏହି ‘ଆଲୋକ ଓ ଧ୍ବନି’ ମହାମାରୀ କୋଭିଡ କାରଣରୁ ବନ୍ଦ ରହିଥିଲା। ସୋମବାର ଠାରୁ ‘ଆଲୋକ ଓ ଧ୍ବନି’ ପ୍ରଦର୍ଶନ ଜନସାଧାରଣଙ୍କ ପାଇଁ ଖୋଲା ଯାଇଛି। ‘ଆଲୋକ ଓ ଧ୍ବନି’ ପ୍ରଦର୍ଶନ ସମୟ ସନ୍ଧ୍ୟା ୭ ଟାରୁ ୭.୪୦ ପର୍ୟ୍ୟନ୍ତ ଅର୍ଥାତ ୪୦ ମିନିଟ ରହିବ। ‘ଆଲୋକ ଓ ଧ୍ବନି’ ପ୍ରଦର୍ଶନକୁ ଉଭୟ ଓଡ଼ିଆ ଏବଂ ଇଂରାଜୀ ଭାଷାରେ ଦର୍ଶକ ଉପଭୋଗ କରିପାରିବେ। ଟିକଟପରାହ୍ନ ୫ ଟାରୁ ମନ୍ଦିରରେ ଉପଲବ୍ଧ ରହିବ। ସାଧାରଣ ଜନତାଙ୍କ ପାଇଁ ୫୦ଟଙ୍କା ଏବଂ ବରିଷ୍ଠ ନାଗରିକ ଏବଂ ଛାତ୍ରଛାତ୍ରୀଙ୍କ ପାଇଁ ଟିକେଟ ମୂଲ୍ୟ ୩୦ ଟଙ୍କା ରହିଛି ଏବଂ ଏକାସାଙ୍ଗରେ ୨୦୦ ଜଣ ଦର୍ଶକ ଉପଭୋଗ କରିପାରିବେ। ଗୋଟିଏ ଦିନ ଗୋଟିଏ ଶୋ’ ରହିବାକୁଥିବାବେଳେ ଦର୍ଶକଙ୍କ ଚାହିଦା ଦେଖି ଦ୍ୱିତୀୟ ଶୋ କରାଯିବ ବୋଲି ଓଟିଡିସି ପକ୍ଷରୁ ସୂଚନା ଦିଆଯାଇଛି। ଆଜିର ‘ଆଲୋକ ଓ ଧ୍ବନି’ ପ୍ରଦର୍ଶନରେ ଅତିରିକ୍ତ ଜିଲାପାଳ ଉମାକାନ୍ତ ରାଜ, ସଦର ଉପଜିଲାପାଳ ମୟୁର ସୂର୍ୟ୍ୟବଂଶୀ ବିକାଶ, ପୂର୍ବତନ ବିଧାୟିକା ରାସେଶ୍ୱରୀ ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article