ମୁମ୍ବଇ: ମୁମ୍ବଇର ଗୋରେଗାଓଁରେ ଏକ ଚିତା ବାଘ ଜଣେ ମହିଳାଙ୍କ ଉପରେ ମରଣାନ୍ତକ ଆକ୍ରମଣ କରିଛି। ଆହତ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଗତ କିଛି ଦିନ ମଧ୍ୟରେ ମୁମ୍ବଇରେ ଚିତା ବାଘ ଆକ୍ରମଣର ଏହା ହେଉଛି ଚତୁର୍ଥ ଘଟଣା। ବୁଧବାର ଗୋରେଗାଓଁର ଆରେ ଡାଏରୀ କଲୋନୀରେ ଘଟିଛି ଏହି ଘଟଣା। ଘର ବାରଣ୍ଡାରେ ବସିଥିବା ଜଣେ ମହିଳାଙ୍କୁ ହଠାତ୍ ଚିତା ବାଘ ଆକ୍ରମଣ କରିଥିଲା। ମହିଳାଜଣକ ହେଉଛନ୍ତି ୫୫ ବର୍ଷୀୟ ନିର୍ମଳା ରାମବଦନ ସିଂହ। ଚିତା ବାଘ ସହ ତାଙ୍କ ଲଢେଇର ଦୃଶ୍ୟ ସିସିଟିଭିରେ କଏଦ ହୋଇଛି, ଯାହା ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି।
*Viewers discretion advised*
Scary visuals of a woman being attacked by a leopard in Aarey colony today. The woman is safe and undergoing treatment. This happened near Aarey dairy.. pic.twitter.com/zTyoVzJ2HQ
— sohit mishra (@sohitmishra99) September 29, 2021
ନିର୍ମଳା ଏକ ଆଶା ବାଡ଼ି ଧରି ବାରଣ୍ଡାରେ ବସିଥିଲେ। ପୂର୍ବରୁ ସେଠାରେ ଥିବା ଚିତା ତାଙ୍କ ଉପରେ ହଠାତ୍ ଆକ୍ରମଣ କରିଥିଲା ଏବଂ ମହିଳାଜଣକ ଜୀବନ ବଞ୍ଚାଇବାକୁ ବିନା ଭୟରେ ସେହି ବାଡ଼ିରେ ଚିତାକୁ ପିଟିବାକୁ ଲାଗିଲେ। ଏହାପରେ ଚିତା ସେଠାରୁ ପଳାଇଯାଇଥିଲା। ଭିଡିଓ ଭାଇରାଲ ହେବା ପରେ ମହିଳାଙ୍କର ଖୁବ୍ ପ୍ରଶଂସା କରାଯାଉଛି।
ଏହି ଆକ୍ରମଣ ପରେ ଥାନେ ବନଖଣ୍ଡ ଦାୟିତ୍ୱରେ ଥିବା ଗଜାନନ କହିଛନ୍ତି ଯେ, ଏକ ମାସ ପୂର୍ବରୁ ଏହି ଅଞ୍ଚଳରେ ପ୍ରଥମ ଚିତାବାଘ ଆକ୍ରମଣ ହେବା ପରେ ପିଞ୍ଜରା ଲଗାଇବା ପାଇଁ ବରିଷ୍ଠ ଅଧିକାରୀଙ୍କ ଅନୁମତି ଲୋଡ଼ାଯାଇଥିଲା। କେତେକ ପିଞ୍ଜରା ମଧ୍ୟ ଲଗାଯାଇଛି ଏବଂ ଆଉ ଲଗାଇବା ପାଇଁ ପ୍ରସ୍ତୁତି ଚାଲିଛି।
