ଲକ୍ଷ୍ମୀପୁର: କୋରାପୁଟ ଜିଲା ଲକ୍ଷ୍ମୀପୁର ବ୍ଲକର ସବୁଜ ଭାରତ ସଂଗଠନ ପକ୍ଷରୁ ବ୍ଲକର କୁସୁମଗୁଡା ପଞ୍ଚାୟତର ବିଭିନ୍ନ ଗ୍ରାମରେ ଭାଷା ସୁରକ୍ଷା ଓ ବିକାଶ ନିମନ୍ତେ ବର୍ଣ୍ଣବୋଧ ବଣ୍ଟନ କରାଯାଇଛି। ଏହି ଅବସରରେ ରବିବାର ଦିନ ଉକ୍ତ ପଞ୍ଚାୟତର ତଳଚମ୍ପ, କୁଟିଙ୍ଗାଗୁଡା, ଛେଳିବେଡ଼ା, ଗାଦିଖାଲ, ବିରିଯୋଡି଼, କୁଚପାର, ପରଜାସିଲ୍ ଆଦି ଗାଁରେ ବିଭିନ୍ନ ସାହିରେ ପ୍ରଥମ ଶ୍ରେଣୀରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କୁ ଦୁଇ ଶହରୁ ଊର୍ଦ୍ଧ୍ବ ବର୍ଣ୍ଣବୋଧ ବହି ସହିତ ଖାତା, ପେନସିଲ ଓ ରବର ବଣ୍ଟାଯାଇଛି।
କାର୍ଯ୍ୟକ୍ରମରେ ସବୁଜ ଭାରତ ସଂଗଠନର ମୁଖ୍ୟ ଗୋପେଶ୍ଵର ଗରଡାଙ୍କ ସହିତ ପୁର୍ବତ୍ତନ ସାଂସଦ ଝିନ ହିକକା, ସରପଞ୍ଚ ଇନ୍ଦ୍ର ପାଞ୍ଜିଆହେମନ୍ତ ତୁରୁକ, ସୁବାସ ମାଝୀ ପ୍ରମୁଖ ଉପସ୍ଥିତ ଥିଲେ। ଉକ୍ତ ସଂଗଠନର ମୁଖ୍ୟ ଶ୍ରୀ ଗରଡ଼ା ବିଭିନ୍ନ ସାମାଜିକ କାର୍ଯ୍ୟକ୍ରମ ସହିତ ପରିବେଶ ସୁରକ୍ଷା ନିମନ୍ତେ ଚାରା ରୋପଣ ସହିତ ତା’ର ଯତ୍ନ ନେବା ପାଇଁ ଉଦ୍ୟମ କରୁଥିବା ବେଳେ ବର୍ଷେରୁ ଊର୍ଦ୍ଧ୍ବ ହେବ ଓଡ଼ିଆ ଭାଷାର ସୁରକ୍ଷା ଓ ବିକାଶ ପାଇଁ କୋରାପୁଟ ଜିଲା ଲକ୍ଷ୍ମୀପୁର ବ୍ଲକ ସହିତ ବିଭିନ୍ନ ବ୍ଲକ ଓ ପଡୋଶୀ ଜିଲାର ଅନେକ ଗାଁରେ ବର୍ଣ୍ଣବୋଧ ଓ ଖାତା ଆଦି ବଣ୍ଟନ କରୁଛନ୍ତି।
