ଲକ୍ଷ୍ମୀପୁର: କୋରାପୁଟ ବନଖଣ୍ଡ ଅଧୀନସ୍ଥ ଲକ୍ଷ୍ମୀପୁର ବନାଞ୍ଚଳ ଅନ୍ତର୍ଗତ ନିରାଣିଗୁଡାରୁ ଶୁକ୍ରବାର ଏକ କୁଟୁରା ଛୁଆକୁ ଉଦ୍ଧାର କରାଯାଇଛି। କୁଟୁରା ଛୁଆକୁ ଉଦ୍ଧାର ପରେ ଲକ୍ଷ୍ମୀପୁର ଅଣାଯାଇ ତା’ର ଚିକିତ୍ସା କରାଯାଇଥିଲା। ଏହାପରେ କୁଟୁରା ଛୁଆକୁ ନିକଟସ୍ଥ ଜଙ୍ଗଲରେ ଛାଡି ଦିଆଯାଇଛି।
ଆଜି କୁଟୁରା ଛୁଆକୁ କୁକୁରମାନେ ଗୋଡାଇବାରୁ ଗାଁ ଭିତରକୁ ଆସି ଜଣଙ୍କ ଘରେ ପଶି ଯାଇଥିଲା। ଖବର ପାଇ ବନ ବିଭାଗ ପକ୍ଷରୁ କୁଟୁରା ଛୁଆକୁ ଉଦ୍ଧାର କରାଯାଇ ଲକ୍ଷ୍ମୀପୁର ଅଣାଯାଇଥିଲା। ସେଠାକାର ସ୍ଥାନୀୟ ପ୍ରାଣୀ ଚିକିତ୍ସାଳୟରେ ଚିକିତ୍ସା କରାଯିବାପରେ ନିକଟସ୍ଥ ଜଙ୍ଗଲରେ ଛାଡି ଦିଆଯାଇଛି।
