କିମ୍ବଦନ୍ତୀ ଗାୟିକା ଲତା ମଙ୍ଗେସକରଙ୍କ ପରଲୋକ ପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଆସନ୍ତାକାଲି ଅଧା ଦିନ ପାଇଁ ଛୁଟି ଘୋଷଣା କରିବା ପରେ ଆଉ ଏକ ବଡ ଘୋଷଣା କରିଛନ୍ତି। ଆଗାମୀ ୧୫ ଦିନ ଯାଏଁ ପଶ୍ଚିମବଙ୍ଗର ପ୍ରତ୍ୟେକ ଜନଗହଳି ପୂର୍ଣ୍ଣ ସ୍ଥାନ, ସରକାରୀ ସୌଧ ଏବଂ ଟ୍ରାଫିକ ସିଗନାଲରେ ଭାରତ ରତ୍ନ ପୁରସ୍କାର ପ୍ରାପ୍ତ ଲତା ମଙ୍ଗେଶକରଙ୍କ ଲୋକପ୍ରିୟ ଗୀତ ବାଜିବ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହି ଘୋଷଣା କରିଛନ୍ତି।
ଅନ୍ୟ ପ୍ରଶଂସକଙ୍କ ପରି ସ୍ୱର୍ଗତ ଲତା ମଙ୍ଗେଶକରଙ୍କୁ ହୃଦୟରୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ବୋଲି ମୁଖ୍ୟମନ୍ତ୍ରୀ ମମତା କହିଛନ୍ତି। ସେ ଟ୍ୱିଟରରେ ଲେଖିଛନ୍ତି, ଭାରତର ଅନନ୍ୟ ପରିଚୟ ଭାରତରତ୍ନ ଲତା ମଙ୍ଗେଶକରଙ୍କୁ ମୁଁ ମୋର ଶ୍ରଦ୍ଧାଞ୍ଜଳି ଅର୍ପଣ କରୁଛି। ତାଙ୍କ ପରିବାରକୁ ଏବଂ କୋଟି କୋଟି ପ୍ରଶଂସକଙ୍କୁ ମୋର ଆନ୍ତରିକ ସମବେଦନା ଜଣାଉଛି। ପ୍ରକୃତରେ ସେ ଭାରତର ନାଇଟିଙ୍ଗଲେ ଥିଲେ।
ସେ କହିଛନ୍ତି, ପୃଥିବୀର ସମସ୍ତ ପ୍ରଶଂସକ ଏବଂ ଅନୁଗାମୀମାନଙ୍କ ପରି ମୁଁ ମଧ୍ୟ ତାଙ୍କ ସ୍ୱର ଏବଂ ଗାୟନ ଶୈଳୀର ବିଦଗ୍ଧ ଶ୍ରୋତା।
