ଲାଞ୍ଜିଗଡ଼: ଆଜି ସକାଳୁ ସକାଳୁ ଭବାନୀପାଟଣାରୁ ରାୟଗଡ଼ାକୁ ସଂଯୋଗ କରୁଥିବା ୬ ନମ୍ବର ରାଜ୍ୟ ରାଜପଥର ଢେପଗୁଡ଼ା ଘାଟି ନିକଟସ୍ଥ ଏକ ପୋଲରେ ଭାରସାମ୍ୟ ହରାଇ ଓଲଟିପଡ଼ିଛି ଏକ ଆଲୁମିନିୟମ ବୋଝେଇ କଣ୍ଟେନର। ରାୟଗଡ଼ା ପଟୁ ଝାରସୁଗୁଡ଼ା ଯାଉଥିବାବେଳେ କଣ୍ଟେନରଟି ଦୁର୍ଘଟଣାର ସମ୍ମୁଖୀନ ହୋଇଥିବାବେଳେ ଏଥିରେ ଡ୍ରାଇଭର ଜଣକ ଆହତ ହୋଇଛନ୍ତି। ଓଲଟି ପଡ଼ିଥିବା କଣ୍ଟେନରଟି ରାସ୍ତା ମଝିରେ ପଡ଼ିରହିଥିବାରୁ ଆଜି ସକାଳୁ ରାସ୍ତା ଅବରୋଧ ଭଳି ପରିସ୍ଥିତି ସୃଷ୍ଟି ହୋଇଛି। ରାସ୍ତାର ଉଭୟ ପାର୍ଶ୍ବରେ ଏବେ ଶହଶହ ଭାରୀଯାନ ଅଟକି ରହିଥିବା ଦେଖିବାକୁ ମିଳିଛି। ଘଟଣାସ୍ଥଳରେ ବିଶ୍ବନାଥପୁର ପୁଲିସ ଉପସ୍ଥିତ ଥିବାବେଳେ ଖବର ଲେଖାଯିବା ସୁଦ୍ଧା ରାସ୍ତା ଅବରୋଧ ହଟିନାହିଁ।
Comments are closed.