ଲାଞ୍ଜିଗଡ଼:କଳାହାଣ୍ଡି ଜିଲାରେ ନୂତନ ଜିଲାପାଳ ଭାବେ ପି. ଅନ୍ୱେଷା ରେଡ୍ଡୀ ଯୋଗଦେବା ପରେ ଆଜି ଲାଞ୍ଜିଗଡ଼ ବ୍ଲକକୁ ପ୍ରଥମ ଗସ୍ତରେ ଆସି ବିଭିନ୍ନ ପ୍ରକଳ୍ପ ପରିଦର୍ଶନ କରିଛନ୍ତି । ଜିଲାପାଳ ଆଜି ଦିନିକିଆ ଲାଞ୍ଜିଗଡ଼ ବ୍ଲକ ଗସ୍ତରେ ଆସି ବିଶ୍ୱନାଥପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ ପରେ ଚମ୍ପାଦେଇପୁର ନିକଟସ୍ଥ ସାପୁଲକୁଚାରେ ଚାଲିଥିବା ଅମ୍ରୁତସାଗର ଉନ୍ନୟନ କାର୍ୟ୍ୟ ପରିଦର୍ଶନ କରିଥିଲେ। ସେହିପରି ହରିହରପୁର ମହାତ୍ମାଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନାରେ ଚାଲିଥିବା ମନରେଗା କାର୍ୟ୍ୟ ଗୁଡ଼ିକର ତଦାରଖ କରିଥିଲେ ।
ଏହାପରେ ଜିଲ୍ଲାପାଳ ଲାଞ୍ଜିଗଡ଼ସ୍ଥିତ କୁଟିଆ କନ୍ଧ ଉନ୍ନୟନ ସଂସ୍ଥା ଦ୍ୱାରା ପରିଚାଳିତ ବିଭିନ୍ନ କାର୍ୟ୍ୟକ୍ରମର ତଦାରଖ କରିଥିଲେ। ଲାଞ୍ଜିଗଡ଼ଠାରେ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନଙ୍କ ସହିତ ବିଭିନ୍ନ ସମସ୍ୟା ସଂପର୍କରେ ଆଲୋଚନା କରିଥିଲେ। ଏହାପରେ ଲାଞ୍ଜି ଗ୍ରାମପଞ୍ଚାୟତର ବିକାଶ ନଗର, ଭଟ୍ଟାଙ୍ଗପଦର ୫ଟି ସ୍କୁଲ ପରିଦର୍ଶନ କରିଥିଲେ । ଆଜି ଜିଲାପାଳଙ୍କ ସହିତ ଲାଞ୍ଜିଗଡ଼ ବ୍ଲକ ଅଧ୍ୟକ୍ଷା କମଳା ପାତ୍ର, ଉପାଧ୍ୟକ୍ଷ ସଞ୍ଜୀବ କୁମାର, ବିଡିଓ ଜିତେନ୍ଦ୍ର କୁମାର ମିଶ୍ରଙ୍କ ସମେତ ଜିଲା ସ୍ତରୀୟ ଅଧିକାରୀଙ୍କ ମଧ୍ୟରେ ପିଏ ଆଇଟିଡିଏ ବିରଞ୍ଚି ନାରାୟଣ ଦରୱାନ, ଜିଲା ମଙ୍ଗଳ ଅଧିକାରୀ ଅରବିନ୍ଦ ରାଏ, କୁଟିଆକନ୍ଧ ଉନ୍ନୟନ ସଂସ୍ଥାର ପ୍ରକଳ୍ପ ପରିଚାଳକ ଲମ୍ବୋଧର ପ୍ରଧାନ, ଲାଞ୍ଜିଗଡ ବ୍ଲକ ସହକାରୀ ଯନ୍ତ୍ରୀ ରେଣୁକା ଠାକୁର, କନିଷ୍ଠ ଯନ୍ତ୍ରୀ ସ୍ମିତାରାଣି ବିଶ୍ୱାଳ, ଗୋଲକ ଭୋଇ, ଲାଞ୍ଜି ପଞ୍ଚାୟତ ନିର୍ବାହି ଅଧିକାରୀ ଅଲେଖ ସା, ସମାଜସେବି ହରିଶଙ୍କର ପାତ୍ର ପ୍ରମୁଖ ସାମିଲ ହୋଇଥିଲେ।
Comments are closed.