ରେଙ୍ଗାଲ: ରେଙ୍ଗାଲି ବ୍ଳକର ଲଇଡା ଠାରେ ଥିବା ଦୁତିକା ସାହୁ ମହାବିଦ୍ୟାଳୟରେ ଆଜି ଜାତୀୟ ସେବା ଦିବସ ପାଳିତ ହୋଇଯାଇଛି। ବିରିଷ୍ଠ ଅଧ୍ୟାପକ ସିରାଜୁଲ୍ ହକଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମର ପ୍ରାରମ୍ଭରେ ଜାତିର ଜନକ ମହାତ୍ମାଗାନ୍ଧି ଏବଂ ଏନଏସଏସର ପ୍ରତିଷ୍ଠାତାଙ୍କ ଫଟୋଚିତ୍ରରେ ଦୀପ ପ୍ରଜ୍ୱଳନ ଓ ମାଲ୍ୟାର୍ପଣ କରାଯାଇଥିଲା। ସଭାରେ ଓଡିଆ ବିଭାଗ ମୁଖ୍ୟ ପ୍ରଶାନ୍ତ କୁମାର ପଟେଲ, ଜୟନାରାୟଣ ଶତପଥି, ଅଶୋକ ପ୍ରଧାନ, ଶ୍ରୀକାନ୍ତ ପଟେଲ ପ୍ରମୁଖ ଏନଏସଏସର ଲକ୍ଷ୍ୟ, ଆଭିମୁଖ୍ୟ ଏବଂ ଇତିହାସ ଉପରେ ଆଲୋକପାତ କରିଥିଲେ। ଏନଏସଏସର ପିଇଓ ଅଧ୍ୟାପକ ବିଶ୍ୱନାଥ ପଟେଲ ସ୍ୱାଗତ ଭାଷଣ ପ୍ରଦାନ କରିବା ସହିତ ସଭା ପରିଚାଳନା କରିଥିଲେ ଏବଂ ଶେଷରେ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ଅଧ୍ୟାପକ ପ୍ରଫୁଲ୍ଲ କୁମାର ଭୋଇ. ଅଳେଖ ଦ୍ୱିବେଦୀ, କରୁଣାକର ନାଏକ, ଆଶିଷ ପାଣିଗ୍ରାହୀ, ଜିତେନ୍ଦ୍ର ପ୍ରସାଦ ସିଂହ ପ୍ରମୁଖ ଅଧ୍ୟାପକ/ଅଧ୍ୟାପିକା ଏବଂ କଳେଜର ଛାତ୍ର/ଛାତ୍ରୀ ଉପସ୍ଥିତ ଥିଲେ।
Comments are closed.