ଗାଁ ପଦ୍ମ ସାଗର ସଫା କଲେ ଯୁବଗୋଷ୍ଠୀ
ଲଡୁଗାଁ: କଳାହାଣ୍ଡି ଜିଲା କୋକସରା ବ୍ଲକ ଯୁବଗୋଷ୍ଠୀ ସ୍ୱଚ୍ଛତା ଦିଗକୁ ଏକ ପାଦ ଆଗେଇଛନ୍ତି। କୋକସରା ଗାଁ ମଝିରେ ଥିବା ପଦ୍ମ ସାଗର ଯାହା କି ରାଜା ରାଜୁଡ଼ା ଅମଳର ତାହା ଦଳ ଭର୍ତି ଓ ଆବର୍ଜନା ପଡ଼ି ପୂତି ଦୁର୍ଗନ୍ଧ ମୟ ହେବା ସହ ସ୍ନାନ କରୁଥିବା ଲୋକଙ୍କୁ କାଛୁ କୁଣ୍ଡିଆ ଜନିତ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ ହୋଇଆସୁଥିଲା। ଅଥଚ ପଞ୍ଚାୟତ ପକ୍ଷରୁ କୌଣସି ବିଧି ବ୍ୟବସ୍ଥା କରାଯାଇନାହିଁ ।
ଗ୍ରାମବାସୀ କହି କହି ନୟାନ୍ତ ହୋଇଥିବା ବେଳେ ଗ୍ରାମର ଯୁବଗୋଷ୍ଠୀ ପଦ୍ମପୋଖରୀ ସଫା କରିବା ପାଇଁ ଅଣ୍ଟା ଭିଡିଛନ୍ତି । ନିଜ ଉଦ୍ୟମରେ ଯଥା ସମ୍ଭବ ସଫା କରିବୁ ଓ ପଞ୍ଚାୟତ ପକ୍ଷରୁ ଆଗକୁ କିଛି ସହଯୋଗ ମିଳିଲେ ଏହି ସାଗର ସଫା ସୁତୁରା ହେବା ସହ ଆହୁରି ସୁନ୍ଦର ଦେଖାଦେବ ବୋଲି ଯୁବକ ମାନେ କହିଛନ୍ତି।
Comments are closed.