ଲଡୁଗାଁ : କୋକସରା ବ୍ଲକ ଅନ୍ତର୍ଗତ ବରାଡଙ୍ଗା ପଞ୍ଚାୟତ କେନ୍ଦୁଡଙ୍ଗରୀ ଗ୍ରାମରେ ଚାଷୀଙ୍କ ଜମିରେ ଖନନ କରା ଯାଇଥିବା ଗଭୀର ନଳକୂପର ଟ୍ରାନ୍ସଫର୍ମର ବିପଦସଙ୍କୁଳ ଅବସ୍ଥାରେ ନଇଁ ପଡି ଅକାମୀ ହୋଇ ପଡ଼ିରହିଥିଲା । ଚାଷୀଙ୍କ ଅଭିଯୋଗ ଅନୁସାରେ, ସମାଜ ଖବରକାଗଜରେ ଗତ ମାସରେ “ଉଠା ଜଳସେଚନ ନିଗମ ଚାଷି ଲଲିପପ୍” ଶିର୍ଷକରେ ପ୍ରସାରଣ ହୋଇଥିଲା ଏହି ଖବର । ଜଳସେଚନ ପାଇଁ ପ୍ରାୟ ଚାରି ବର୍ଷ ତଳେ ଲକ୍ଷାଧିକ ଟଙ୍କା ବ୍ୟୟ ବରାଦରେ ଗଭୀର ନଳକୂପ ଖନନ କାର୍ୟ୍ୟ ଆରମ୍ଭ ହେବା ସହ ଟ୍ରାନ୍ସଫର୍ମର ବସାଯାଇଥିଲା। କାର୍ୟ୍ୟ କରାଯିବା କିଛିଦିନ ପରେ ନିମ୍ନମାନର କାମ ଯୋଗୁଁ ଟ୍ରାନ୍ସଫର୍ମର ଖୁଣ୍ଟ ଗୋଟିଏ ପଟେ ନଇଁ ପଡ଼ିଥିବା ବେଳେ ଦୁଇ ଖୁଣ୍ଟରେ ଫାଟ ଦେଖିବାକୁ ମିଳିଥିଲା । ତେବେ ଖବର ପ୍ରସାରଣ ପରେ ବିଭାଗୀୟ ଅଧିକାରୀ ତତ୍ପରତା ଦେଖାଇ ଖୁଣ୍ଟ ସବୁ ସିଧା କରିବା ସହ ଏହି ପ୍ରକଳ୍ପକୁ ଚାଲୁ କରିଦେଇଥିଲେ। ତଥାପି ଚାଷୀଙ୍କ ସମସ୍ୟା ସମ୍ପୂର୍ଣ୍ଣ ରୂପେ ସମାଧାନ ହୋଇପାରି ନ ଥିବା ଅଭିଯୋଗ ହୋଇଛି । ଚାଷୀ ଏହି ନଳକୂପରୁ କମ୍ ପରିମାଣରେ ପାଣି ଆସୁଛି ଓ କିଛି ଘଣ୍ଟା ପରେ ବନ୍ଦ ହେଉଥିବାରୁ ଏହାର ମଧ୍ୟ ସମାଧାନର ବାଟ ବାହାର କରିବା ପାଇଁ ବିଭାଗୀୟ ଅଧିକାରୀମାନଙ୍କୁ ଅନୁରୋଧ କରିଛନ୍ତି। ତେବେ ଖବର ପ୍ରସାରଣ କରି ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିବାରୁ ସମାଜ ଖବରକାଗଜକୁ ଧନ୍ୟବାଦ ଦେବା ସହ ବିଭାଗର ତତ୍ପରତାକୁ ମଧ୍ୟ ସ୍ଵାଗତ ଜଣାଇଛନ୍ତି।
Comments are closed.