ନୂଆଦିଲ୍ଲୀ – ବିଭିନ୍ନ ସମୟରେ ସୀମାରେ ଚୀନ୍ ଏବଂ ଭାରତୀୟ ସେନା ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହେଉଛି । ଚୀନ୍ ସେନା ସୀମା ମଧ୍ୟରୁ ଅନୁପ୍ରବେଶ କରି କବଜା କରିବା ପାଇଁ ଚେଷ୍ଟା କରୁଛି । ଲଦାଖରେ ଚୀନ୍ ଏବଂ ଭାରତର ସୀମା ଯେଉଁସ୍ଥାନକୁ ବଫରଜୋନ୍ କୁହାଯାଏ ସେଠାରେ ଚୀନ୍ ସେନା ପକ୍ଷରୁ ଅନୁପ୍ରବେଶ କରିବା ପାଇଁ ପୁଣିଥରେ ଚେଷ୍ଟା କରାଯାଇଛି ।
କିଛି ବର୍ଷତଳେ ଗଲଓ୍ୱାନ ଘାଟୀ ଘଟଣାରେ ଚୀନ୍ର ଅନେକ ସୈନ୍ୟ ମୃତାହତ ହୋଇଥିଲେ ମଧ୍ୟ ତାହାକୁ ସେମାନେ ଲୁଚାଇ ରଖିଥିଲେ । ଏଥିରେ ଭାରତର ୨୦ ଜଣ ସୈନିକ ସହିଦ ହୋଇଥିଲେ । ପୂର୍ବରୁ ଡୋକଲାମରେ ମଧ୍ୟ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା ।
ଏବେ ଲଦାଖର ବଫର ଜୋନ୍ରେ ଚୀନ୍ ସେନା ପକ୍ଷରୁ ଚାରୋଟି ତମ୍ବୁ ଟଣାଯାଇଥିଲା । ଭାରତୀଯ ସେନା ପକ୍ଷରୁ ଏହାର ବିରୋଧ କରାଯାଇଥିଲା । ପୂର୍ବ ଲଦାଖର ଗୁରୁଙ୍ଗ ହିଲ୍ସର ଉପରେ ଏହି ତମ୍ବୁ ଲଗାଯାଇଥିଲା । ବିରୋଧ ପରେ ତିନୋଟି ତମ୍ବୁକୁ ହଟାଇ ଦିଆଯାଇଥିବା ବେଳେ ଗୋଟିଏ ତମ୍ବୁ ଲାଗିଥିଲା । ଏହାପରେ ପୁଣି ବିରୋଧ କରିବାରୁ ଚୀନ୍ ଚତୁର୍ଥ ତମ୍ବୁକୁ ମଧ୍ୟ ହଟାଇଥିବା ସୂଚନା ମିଳିଛି ।
