ଲକ୍ଷ୍ମୀପୁର: ଲକ୍ଷ୍ମୀପୁରରେ ଥିବା ଏକ ଗ୍ରାଫାଇଟ କାରଖାନା ଭାଟିରେ ପୋଡି଼ ହୋଇ ଜଣେ ଶ୍ରମିକ ଗୁରୁତର ଆହତ ହୋଇଛନ୍ତି। ତାଙ୍କ ନାଁ ବିଶେକ ଖରା ଓ ଘର ସ୍ଥାନୀୟ ବୁର୍ଜା ଗ୍ରାମରେ। ସେ ଉକ୍ତ କାରଖାନାରେ ଶ୍ରମିକ ଭାବେ କାମ କରୁଥିଲେ।
ଶନିବାର କାମ କରିବା ସମୟରେ ଭାଟିରେ ଲାଗି ତାଙ୍କ ହାତ ଗୋଡ଼ ଓ ମୁଁହ ଆଦି ପୋଡ଼ିଯାଇଛି। ଘଟଣା ପରେ ତାଙ୍କୁ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିଲା। ତେବେ ଅବସ୍ଥା ଗୁରୁତର ଥିବାରୁ ତାଙ୍କୁ କୋରାପୁଟ ଜିଲା ସଦର ମହକୁମାସ୍ଥିତ ଏକ ଘରୋଇ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡିଛି। ଉକ୍ତ କାରଖାନାରେ କାର୍ଯ୍ୟ କରୁଥିବା ଶ୍ରମିକମାନଙ୍କ ସୁରକ୍ଷା ପ୍ରତି ଗୁରୁତ୍ବ ଦିଆଯାଉ ନ ଥିବା କାରଣରୁ ଏଭଳି ହୋଇଥିବା କୁହାଯାଉଛି। ଏପରି କି ଶିଳ୍ପ ବିଭାଗ ଏଥିପ୍ରତି ଅଣଦେଖା କରୁଥିବା ଅଭିଯୋଗ ହେଉଛି।
