ସମାଜ ଡିଜିଟାଲ ଡେସ୍କ: ୫ ଦିନ ପରେ ଆନ୍ଦୋଳନରୁ ଓହରିଛି ଓଡ଼ିଶା ଡ୍ରାଇଭର ମହାସଂଘ। ଶନିବାର ରାତିରେ ଗଣମାଧ୍ୟମକୁ ଏ ନେଇ ସୂଚନା ଦେଇଛନ୍ତି ମହାସଂଘର ସହ ସମ୍ପାଦକ ମାନସ ଦେବତା। ବିଭିନ୍ନ ଦାବି ନେଇ ଡ୍ରାଇଭର ମହାସଂଘ ଗତ ୮ ତାରିଖରୁ ଷ୍ଟିଅରିଂ ଛାଡ଼ ଆନ୍ଦୋଳନ ଆରମ୍ଭ କରିଥିଲେ। ରାଜ୍ୟର ବିଭିନ୍ନ ସ୍ଥାନରେ ଡ୍ରାଇଭରମାନେ ଗାଡ଼ି ଚଳାଚଳ ବନ୍ଦ କରିବା ସହିତ ଧର୍ମଘଟରେ ବସିଥିଲେ।
ଶନିବାର ଏହି ଆନ୍ଦୋଳନ ୫ମ ଦିନରେ ପହଞ୍ଚିଥିଲା। ତେବେ ସଂଘ ଭିତରେ ଫାଟ ସୃଷ୍ଟି ହେବାରୁ କିଛି ଡ୍ରାଇଭର ବସ ଚଳାଚଳ ଆରମ୍ଭ କରିଥିଲେ। ଏପରି କି ସଂଘ ସଭାପତି ପ୍ରଶାନ୍ତ ମେଣ୍ଡୁଳି କିଛି ଚାଳକଙ୍କୁ ସଂଘରୁ ବାହାର କରିଦେବାକୁ ଧମକ ମଧ୍ୟ ଦେଇଥିଲେ।
