ଚେନ୍ନଇ: ଇଂଲଣ୍ଡ ବିପକ୍ଷରେ ଚଳିତ ୨ୟ ଟେଷ୍ଟମ୍ୟାଚ୍ରେ ୫ଟି ୱିକେଟ ନେବା ପରେ ଶତକ ଅର୍ଜନ କରିଥିବା ରବିଚନ୍ଦ୍ରନ ଅଶ୍ବିନଙ୍କ ପ୍ରଶଂସାରେ ଶତମୁଖ ହୋଇଛନ୍ତି ପୂର୍ବତନ ଭାରତୀୟ ଓପ୍ନର ଗୌତମ ଗମ୍ଭୀର। ପୂର୍ବତନ ଲେଗ୍ସ୍ପିନର ଅନୀଲ କୁମ୍ବଲେଙ୍କ ପରେ ଅଶ୍ବିନଙ୍କୁ ଭାରତର ସବୁଠାରୁ ବଡ଼ ମ୍ୟାଚ୍ ବିଜେତା ବୋଲି ଗମ୍ଭୀର କହିଛନ୍ତି। ସାଂସଦ ଥିବା ଗମ୍ଭୀରଙ୍କ ଭାଷାରେ, ଚେନ୍ନଇ ପିଚ୍ ଖରାପ ଏବଂ ଏଥିରେ ବ୍ୟାଟିଂକରିବା ଅସମ୍ଭବ ବୋଲି ବହୁତ ଆଲୋଚନା ଚାଲିଛି। ହେଲେ ଅଶ୍ବିନ ଦେଖାଇଛନ୍ତି ଯେ ସେ ବଲ୍ରେ ସଫଳତା ହାସଲ କରିପାରିବେ ଏବଂ ବ୍ୟାଟ୍ରେ ନାମୀ ବ୍ୟାଟ୍ସମ୍ୟାନଙ୍କଠାରୁ ଭଲ ବ୍ୟାଟିଂ କରିପାରିବେ। ତୁମର ଦକ୍ଷତା ନଥିଲେ ତୁମେ ୫ଟି ଟେଷ୍ଟ ଶତକ ହାସଲ କରିବା ଅସମ୍ଭବ। ଯେଉଁସ୍ଥାନରେ କ୍ରିକେଟ୍ ଖେଳି ତୁମେ ବଡ଼ ହୋଇଛ; ସେଠାରେ ଭଲ ପ୍ରଦର୍ଶନ କରିବା ପ୍ରତି ଖେଳାଳିଙ୍କ ସ୍ବପ୍ନ ରହିଥାଏ। ୫ଟି ୱିକେଟ ନେବା ପରେ ଏପରି ପିଚ୍ରେ ଶତକ ହାସଲ କରିବା ବହୁତ ବଡ଼ କୃତିତ୍ବ। ଏହା ଚମତ୍କାର ଅନୁଭୂତି। ଭାରତୀୟ ଦଳରେ ଏକାଧିକ ସୁପରଷ୍ଟାର ଥିବା ବେଳେ ଭଲ ପ୍ରଦର୍ଶନ କରିବା ଏକ ଆହ୍ବାନ। ଟେଷ୍ଟ କ୍ରିକେଟ୍ରେ ଅଶ୍ବିନ୍ ଯେପରି ପ୍ରଦର୍ଶନ କରିଛନ୍ତି; ତାହା ଅବିଶ୍ବସନୀୟ। ୫ଟି ଟେଷ୍ଟ ଶତକ ହାସଲ କରିବା ପରେ ୪୦୦ ପାଖାପାଖି ଟେଷ୍ଟ ୱିକେଟ ହାସଲ କରିବା ବହୁତ ବଡ଼ ସଫଳତା। ଅନୀଲ କୁମ୍ବଲେ ଗୋଟିଏ ଟେଷ୍ଟ ଶତକ ହାସଲ କରିବା ସହ ୬୦୦ରୁ ଅଧିକ ୱିକେଟ ନେଇଛନ୍ତି। କୁମ୍ବଲେ ହେଉଛନ୍ତି ସବୁଠାରୁ ବଡ଼ ମ୍ୟାଚ୍ ବିଜେତା। ତାଙ୍କ ପରେ ନିଶ୍ଚିତ ଭାବେ ଅଶ୍ବିନଙ୍କ ନାମ ଆସିବ।
କୁମ୍ବଲେଙ୍କ ପରେ ଅଶ୍ବିନ ସବୁଠାରୁ ବଡ଼ ମ୍ୟାଚ୍ ବିଜେତା: ଗମ୍ଭୀର
Popular Categories
Previous article
Next article