ଦୁର୍ଘଟଣାକୁ ନେଇ ପୂର୍ବତଟ ରେଳବାଇର ପ୍ରତିକ୍ରିୟା; ୮ବଗି ଲାଇନଚ୍ୟୁତ

ଭୁବନେଶ୍ୱର: କୋରେଇରେ ମାଲବାହୀ ଟ୍ରେନ୍‌ ଲାଇନଚ୍ୟୁତ ହେବା ନେଇ ପୂର୍ବତଟ ରେଳବାଇ ପକ୍ଷରୁ ସୂଚନା ଦିଆଯାଇଛି । ସକାଳ ୬ଟା ୪୪ ମିନିଟରେ ଷ୍ଟେସନ ଭିତରେ ୮ଟି ବଗି ଲାଇନଚ୍ୟୁତ ହୋଇଥିବା ନେଇ କହିଛି ପୂର୍ବତଟ ରେଳବାଇ । ମାଲବାହୀ ଟ୍ରେନ୍‌ ଲାଇନଚ୍ୟୁତ ଯୋଗୁଁ ଉଭୟ ଲାଇନ୍‌ ବ୍ଲକ ହୋଇଛି । ଦୁର୍ଘଟଣା ସ୍ଥଳରେ ୨ଜଣଙ୍କ ମୃତ୍ୟୁ ହୋଇଛି । ଏକାଧିକ ଲୋକ ଆହତ ହୋଇଥିବା ଆଶଙ୍କା କରାଯାଉଛି ବୋଲି ପୂର୍ବତଟ ରେଳବାଇ କହିଛି ।

ଲାଇନଚ୍ୟୁତ ଯୋଗୁଁ ଷ୍ଟେସନ ବିଲ୍ଡିଂ ଭାଙ୍ଗିଯାଇଛି । ରିଲିଫ୍‌ ଟ୍ରେନକୁ ଦୁର୍ଘଟଣାସ୍ଥଳରେ ପହଞ୍ଚିବାକୁ ନିର୍ଦେଶ ଦିଆଯାଇଛି । ତାହା ସହିତ ଘଟଣାସ୍ଥଳକୁ ଖୋର୍ଦ୍ଧା ରୋଡ୍‌ ଡିଆରଏମ୍‌ ଆଉଥିବା ସୂଚନା ଦିଆଯାଇଛି । ଦୁର୍ଘଟଣା ଯୋଗୁଁ ୮ଟି ଟ୍ରେନ୍‌ ବାତିଲ କରାଯାଇଥିବା ନେଇ ସୂଚନା ଦେଇଛନ୍ତି ପୂର୍ବତଟ ରେଳବାଇ ମୁଖ୍ୟ ଜନ ସମ୍ପର୍କ ଅଧିକାରୀ । ଅଧିକାରୀଙ୍କ ସୂଚନା ଅନୁଯାୟୀ, ୫ଟି ଟ୍ରେନ୍‌ ଆଂଶିକ ବାତିଲ କରାଯାଇଛି । ୧୨ଟି ଟ୍ରେନ୍‌ ଗତିପଥ ପରିବର୍ତ୍ତନ ହୋଇଛି । ରେଷ୍ଟୋରେସନ ପାଇଁ ପ୍ରାୟ ୧୨ ଘଣ୍ଟା ସମୟ ଲାଗିବ । ସମ୍ବଲପୁର ରୁଟ୍‌ ଦେଇ ଟ୍ରେନ୍‌ ଚଳାଚଳ କରାଯାଉଛି ବୋଲି କହିଛନ୍ତି ପୂର୍ବତଟ ରେଳବାଇ ମୁଖ୍ୟ ଜନ ସମ୍ପର୍କ ଅଧିକାରୀ ।

Comments are closed.