କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡା ପଞ୍ଚାୟତର ଦେଉଳବାଡି ଗାଁରେ ଠିଆ ହୋଇଥିବା ଘରୋଇ ବସକୁ ଧକ୍କା ଦେଇ ବାଇକ ଚାଳକ ସୁଶାନ୍ତ ପ୍ରାସ୍କା ଗୁରୁତର ହୋଇ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିବା ଦେଖିବାକୁ ମିଳିଛି । ଆଜି ସୁନାଖଣ୍ଡି ଠାରୁ ରାୟଗଡା ଅଭିମୁଖେ ଯାଉଥିବା ଅର୍ଣ୍ଣପୁର୍ଣ୍ଣା ଘରୋଇ ବସଟି ଦେଉଳବାଡି ଗାଁରେ ଯାତ୍ରୀଙ୍କୁ ଓହ୍ଲାଇବା ପାଇଁ ଠିଆ ହୋଇ ଥିବା ବେଳେ ଏକ ବାଇକରେ ସୁଶାନ୍ତ ପ୍ରାସ୍କା ଆସି ବସକୁ ଧକ୍କା ଦେଇ ଥିଲେ । ଯାହା ଫଳରେ ସୁଶାନ୍ତ ଗୁରୁତର ଅବସ୍ଥାରେ ପଡ଼ିଥିବାରୁ କିଛି ଲୋକ ରୋଗୀବୁହା ଗାଡିକୁ ଯୋଗାଯୋଗ କରି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଏଠାରେ ଡାକ୍ତର ସମ୍ୟରଂଜନ ଜେନା ଦେଖି ପ୍ରାଥମିକ ଚିକିତ୍ସା କରି ଗୁରୁତର ରହିଥିବାରୁ ରାୟଗଡା ମୁଖ୍ୟ ଚିକିତ୍ସାଳୟକୁ ପଠାଇଦେଇଛନ୍ତି । ଉକ୍ତ ଯୁବକଙ୍କ ଘର ବୁଡ଼ାଗୁଡା ଗାଁର ବୋଲି ଜଣାପଡ଼ିଛି ।
Comments are closed.