ସମାଜ ଡିଜିଟାଲ ଡେସ୍କ: କୌଣସି ବ୍ୟକ୍ତିଙ୍କ ପାଇଁ ନିରାପଦ ସ୍ଥାନ ହେଉଛି ତାଙ୍କ ଘର। କିନ୍ତୁ ଯଦି ସେଠାରେ ହିଁ କୌଣସି ବିପଦ ଥିବ, ଯାହା ବିଷୟରେ ଆପଣ ଜାଣି ନଥିବେ ଏବଂ ହଠାତ୍ ସେହି ବିପଦ ଆପଣଙ୍କ ଆଡ଼କୁ ଯଦି ମାଡ଼ି ଆସିବ ତେବେ ନିଶ୍ଚିତ ଭାବେ ନିଃଶ୍ଵାସ ଅଟକିଯିବ। ଏମିତି ଏକ ଭିଡିଓ ଏବେ ଇଣ୍ଟରନେଟରେ ଭାଇରାଲ ହେଉଛି, ଯାହା ଦେଖି ଆପଣ ମଧ୍ୟ ହତବାକ୍ ହୋଇଯିବେ।
ଭିଡିଓରେ ଦେଖାଯାଉଛି ଯେ, ଏକ ବଡ଼ କଳା ଅହିରାଜ ସାପ କିପରି ଫ୍ରିଜ୍ ପଛରେ ଲୁଚି ରହିଛି ଏବଂ ଫଣା ଟେକି ଗର୍ଜନ କରୁଛି। ଭିଡିଓ କ୍ୟାପ୍ସନରେ ଲେଖାହୋଇଛି, ‘‘ଫ୍ରିଜ୍ ପଛରେ ଲୁଚିଥିଲା ଭୟଙ୍କର ଅହରାଜ ସାପ।’’ ଭିଡିଓରେ ଦେଖିବାକୁ ମିଳିଛି ଯେ, ଫ୍ରିଜ୍ ପଛରୁ ଅହିରାଜକୁ ବାହାର କରିବାକୁ ଚେଷ୍ଟା କରାଯାଉଛି, କିନ୍ତୁ ସେ ବାରମ୍ବାର ଫଣା ଟେକି ଗର୍ଜନ କରି ଖସିବାକୁ ଚେଷ୍ଟା କରୁଛି। ଅନେକ ଥର ଇଣ୍ଟରନେଟ୍ରେ ଏହିପରି ଭିଡିଓ ଦେଖିବାକୁ ମିଳୁଛି, ଯେଉଁଥିରେ ସରିଶୃପମାନେ କେତେବେଳେ ଘର ଭିତରେ, ତ ଆଉ କେତେବେଳେ ହେଲମେଟ୍, ଗାଡ଼ି କିମ୍ବା କାନ୍ଥ ଭିତରେ ଲୁଚି ରହୁଛନ୍ତି, ଯାହାକୁ କାଢିବା କଷ୍ଟକର ହୋଇପଡ଼େ। ସାପର ଏହି ଭୟାନକ ଭିଡିଓକୁ ଲକ୍ଷାଧିକ ଲୋକ ଲାଇକ୍ କରି ସାରିଛନ୍ତି। ୟୁଜର ଭିଡିଓକୁ ନେଇ ବିଭିନ୍ନ ପ୍ରକାରର ପ୍ରତିକ୍ରିୟା ଦେଇ ଆଶ୍ଚର୍ଯ୍ୟ ପ୍ରକଟ କରୁଛନ୍ତି।
Comments are closed.