ନୂଆଦିଲ୍ଲୀ : ସାଉଥ୍ କୋରିଆର କାର ନିର୍ମାତା କମ୍ପାନୀ କିଆ ଭାରତୀୟ ବଜାରରେ ନିଜ ନୂଆ ସିରୋସ୍ ଏସୟୁଭି ନେଇଆସିଛି । ଏହା କମ୍ପାନୀର ଭାରତୀୟ ବଜାରରେ ୭ମ ମଡେଲ । କମ୍ପାନୀର ପୋର୍ଟଫୋଲିଓରେ ସୋନେଟ୍, ସେଲଟସ୍, କ୍ୟାରେନ୍ସ, କାର୍ନିଭାଲ୍, ଇଭି୬ ଓ ଇଭି୯ ପୂର୍ବରୁ ସାମିଲ । କମ୍ପାନୀ ସିରୋସରେ ଅନେକ ଦମଦାର ଫିଚର୍ ଦେଇଛି । ଏହାର ବୁକିଂ ୩ ଜାନୁୟାରୀ ୨୦୨୫ରୁ ଆରମ୍ଭ ହେବ । ଫେବୃୟାରୀରୁ ଏହାର ଡେଲିଭରୀ ପାଇପାରିବେ ଗ୍ରାହକ ।
କିଆ ନିଜ ଏସୟୁଭିର ନାଁ ଗ୍ରୀକର ଏକ ଦ୍ବୀପ ନାଁ ଅନୁସାରେ ରଖିଛି । ଏହି ନୂଆ ଏସୟୁଭିକୁ ଅଧିକ ସ୍ପେସିୟସ୍ କରାଯାଇଛି । ଏଥିରେ ରିକ୍ଲାଇନିଂ ରିୟର ସିଟ୍ ମିଳିବ । ଏଲଇଡି ଲାଇଟ୍ସ, ଏଲଇଡି ଡିଆରଏଲ୍ସ, ପାନାରୋମିକ ସନରୁଫ୍, ଏଲଇଡି ଟେଲ୍ ଲାଇଟ୍ସ, ଏମ୍ବିଆଣ୍ଟ୍ ଲାଇଟ୍ସ, ଡିଜିଟାଲ୍ ଇନଷ୍ଟ୍ରୁମେଣ୍ଟ କ୍ଲଷ୍ଟର, ୧୦.୨୫ ଇଞ୍ଚ ଇନଫୋଟେଣ୍ଟମେଣ୍ଟ ସିଷ୍ଟମ, ଟେରେନ୍ ଓ ଡ୍ରାଇଭିଂ ମୋଡ୍ସ, ଓ୍ବେୟାରଲେସ୍ ଚାର୍ଜର, ୬ ଏୟାରବ୍ୟାଗ୍ସ, ଏବିଏସ୍, ଇବିଡି ଆଦି ଫିଚର୍ସ ମିଳୁଛି ।
ଏଥିରେ ୬ ସ୍ପିଡ୍ ମାନୁଆଲ୍ ଓ ୭ ସ୍ପିଡ୍ ଡିସିଟି ଟ୍ରାନ୍ସମିଶନ ସହିତ ଯୋଡାଯାଇଛି । ଡିଜେଲ ଭାରିଆଣ୍ଟରେ ୧.୫ ଲିଟର ଡିଜେଲ୍ ଇଞ୍ଜିନ ଦିଆଯାଇଛି ଯାହା ସୋନେଟ୍, ସେଲଟସ୍ ଓ କିଆ କ୍ୟାରେନ୍ସକୁ ପାଓ୍ବର ଦେଇଥାଏ । ସିରୋସରେ ଡିଜେଲ ୧୧୬ ବିଏଚପିର ସର୍ବାଧିକ ପାଓ୍ବର ଓ ୨୫୦ ଏନଏମର ପିକ୍ ଟର୍କ ଉତ୍ପନ କରିଥାଏ । ଯେଉଁମାନେ ଏକ କମ୍ପାକ୍ଟ ଏସୟୁଭିର ସନ୍ଧାନ କରୁଛନ୍ତି ସେମାନଙ୍କ ପାଇଁ ଏହା ଏକ ଉତ୍ତମ ବିକଳ୍ପ ସାଜିବ ବୋଲି କମ୍ପାନୀ ଦାବି କରିଛି ।
Comments are closed.