ଖୋର୍ଦ୍ଧା : ତାପଙ୍ଗ ଖଣିରେ ୪ଦିନ ହେଲାଣି ନିଖୋଜ ଅଛନ୍ତି ଜଣେ ଯୁବକ । ନିଖୋଜ ଯୁବକଙ୍କୁ ଠାବ ପାଇଁ ଚାଲିଛି ଜୋରଦାର ପ୍ରୟାସ । ଉଦ୍ଧାର କାର୍ଯ୍ୟରେ ଏନଡିଆରଏଫ, ଓଡ଼୍ରାଫ୍ , ନାଭାଲ ଟିମ୍ ସହ ଅଗ୍ନିଶମ ବାହିନୀ ନିୟୋଜିତ ହୋଇଥିବା ବେଳେ ଏବେ ଉଦ୍ଧାର କାର୍ଯ୍ୟରେ ସାମିଲ ହୋଇଛି ରାଉରକେଲା ଏନଆଇଟିର ସ୍ୱତନ୍ତ୍ର ରୋବଟ୍ । ଗତ ସୋମବାର ଦିନ (ଜୁଲାଇ ୮) ତାପଙ୍ଗରେ ରିଲ୍ସ କରିବା ବେଳେ ଖସିପଡିଥିଲେ ସଂପୃକ୍ତ ଯୁବକ । ଛାତ୍ରଙ୍କ ନାମ ହେଲା ଓମ୍ ପ୍ରକାଶ ରଥ । ୪ଦିନ ହେଲାଣି ଯୁବକଙ୍କ ପତ୍ତା ମିଳିନଥିବାରୁ ଏନଆଇଟିର ଟିମ୍ ରୋବଟ୍ ଜରିଆରେ ଠାବ କରିବାକୁ ପ୍ରୟାସ କରାଯାଉଛି । ଏହି ରୋବର୍ଟ ପାଣି ଭିତରେ ଥିବା କିଛି ବି ଜିନିଷକୁ ଠାବ କରିବାରେ ସହାୟକ ହେବ ବୋଲି କୁହାଯାଉଛି । ପାଣି ଭିତରେ ରୋବଟ୍ କିଛି ଠାବ କରିବା ପରେ ସାଙ୍ଗେ ସାଙ୍ଗେ ସିଷ୍ଟମରେ ଲାଇଭ୍ ଦେଖାଯିବ ବୋଲି ଏନଆଇଟି ଛାତ୍ର କହିଛନ୍ତି ।
Comments are closed.